Mari Apoiu Vítima Inundasaun Iha Tasitolu

Sekretáriu Jerál partidu Fretilin, Mari Alkatiri, fó hela apoiu solidaridade ba komúnidade afeitadu inundasaun iha area tasi tolu, bairo João Paulo Segundu, Aldeia 12 de outubru, Suku Komoro, Postu-administrativu Don Aleixo, Munisípiu Dili, kuarta (07/04). Sekretáriu Jerál partidu Fretilin, Mari Alkatiri, fó hela apoiu solidaridade ba komúnidade afeitadu inundasaun iha area tasi tolu, bairo João Paulo Segundu, Aldeia 12 de outubru, Suku Komoro, Postu-administrativu Don Aleixo, Munisípiu Dili, kuarta (07/04). Foto Tempo Timor

Tempotimor (Dili)- Sekretáriu Jerál Partidu FRETILIN, Mari Alkatiri, fó apoiu solidaridade ba komúnidade afeitadu inundasaun iha área Tasitolu.

Iha loron kuarta (07/04), maizoumenus tuku 11:00, líder istóriku, Mari Alkatiri lori ona sasán bázika sira tula ho karreta modelu Hilux rua hodi fahe ba komúnidade afeitadu inundasaun iha Tasitolu, bairo João Paulo II, aldeia 12 Outubru, Suku Komoro, Postu-administrativu Don Aleixo, Munisípiu Dili.

Komúnidade ne'ebé organiza família afeitadu sira iha bairo João Paulo II, Joanico da Costa hatete, hafoin akontese inundasaun, foin mak hetan apoiu nesesidade bázika balun husi eis-primeiru Ministru, Mari Alkatiri.

“Sim, ohin (Mari Alkatiri) ajuda fós, supermi, no lona para ami bele augenta, tanba inundasaun ne'e kadavez semana ida ou rua mak foin bele maran”, dehan nia iha tasi tolu, kuarta (07/04).

Alende apoiu husi Mari Alkatiri, seidauk hetan apoiu ruma husi parte Governu, sosiedade sivíl inklui mos sira seluk.

"Ami seidauk iha ajuda husi parte estadu, tanba dala barak parte estadu no kompaña sira mai ladun hatene ami iha parte ida ne'e”, nia afirma

To'o agora, parte autóridade suku seidauk rekolla dadus komúnidade ne’ebé afetadu iha área refere.

"Áte agora sidauk iha xefe suku ka autóridade lokál hakat to'o mai atu rejista komúnidade rasik, agora dadauk ami komúnidade rasik organiza malu hodi foti desizaun katak, aprezenta ba kompaña sira ne'ebé mai hamutuk ho sira koordenasaun iha João Paulo iha foho leten”, dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter