Sidadaun Kuaze Rihun 7 Resin Hela iha Fatin Emerjénsia 12

Vitima husi inundasaun loron Domingo (4/4) ne'ebe iha hela Dom Bosco Komoro, Dili (4/4) Vitima husi inundasaun loron Domingo (4/4) ne'ebe iha hela Dom Bosco Komoro, Dili (4/4) Foto Suplai

Tempotimot (Díli) - Ministru Prezidensia Konsellu Ministru, Fidélis Magalhães hatete, sidadaun sira ne’ebé afeta ba inundasaun iha loron domingu (04/04) kuaze rihun-Hutu to’o ualu mak hela iha fatin emerjénsia 12 iha kapitál Dili.

Haree ba udan no anin boot ne’ebé akontese iha loron sábadu no domingu (03-04/04) konsege hamosu inundasaun iha Kapitál nasaun inklui mós Munisípiu sira halo komunidade barak mak lakon hela fatin no iha balun mós lakon vida.

“Inundasaun ne’e mós akontese iha Díli ba ema ne’ebé lakon hela fatin ema hamutuk rihun-hitu to’o ualu. No fatin ba emerjénsia sira hamutuk 12. Maibé númeru sira ne’e bele tun no sa’e depende, mais dadus agora mak ida ne’e”, informa Fidélis hafoin enkontru ministerial iha Palásiu Governu, segunda (05/04).

Nia dehan, inundasaun ne’e akontese iha territóriu tomak, la’ós de’it iha Díli, maibé iha Munisípiu sira hotu, ne’ebé rejulta ho númeru família barak lakon hela fatin. Maibé iha Díli governu iha ona númeru provisóriu.

“Ita-boot sira akompaña katak númeru boot liu mak iha Dom Bosco iha ema 2487 no família 500-resin. Iha Kaikoli ema na’in 815, família 180. Ministériu Finansas iha família 656, iha Liceo iha ema na’in-528, iha Formosa ema na’in-30, iha INFORDEPE família 120-resin, igreja Bidau família 35, klinika Bairopite neen no seluk tan iha madre selesiana Balide no Seroja Komoro iha totál ema hirak ne’e mak to’o rihun 7 to’o 8 ne’e”, dehan Fidélis.

Fidélis afirma, númeru hirak ne’e sei provizóriiu hela, tanba iha família balun ne’ebé hela no iha balun fila ona depende ba konfisaun iha sira-nia hela fatin.

Tanba ne’e, Governu mós deside ona katak apoia umanitária sira sei kanaliza tuir Sekretáriu Estadu Protesaun Sivíl, no husu ba ema ne’ebé hakarak fó apoiu umanitária bele hakbesik-an ba sekretáriu refere atbele kanaliza apoia ba vítima sira presiza iha momentu ne’e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter