“Ohin kuda ai-oan ne’e nu’udar kontinuasaun programa prezidensia repúblika nia ne’ebé hahú ona iha fatin tolu, hanesan estatua João Paulo II Tasi-tolu, Marabia no Golgota. Alende ne’e fó mós informasaun ba komunidade sira importansia husi kuda Ai-Oan ne’e”, dehan Prezidente Republika, Francisco Guterres Lù Olo, iha Palásiu Nobre Lahane, Sesta (8/2).
Ai importante teb-tebes ba rai Timor para bele asegura rai sira ne’ebé monu no proteze rai monu no fó mahon.
Xefi Estadu realsa, konxiensia ema nia susar tebes atu ezerse, tanba iha sidade laran mós dalaruma la fó importansia hodi tesi ai arbiru de’it.
Programa ne’e hanesan edukasun sívika ida hodi hadi’ak no halo povu kompriende didi’ak importansia husi kuda ai-oan iha sidade no iha área rural sira.