“Konstrusaun eskola politéknika sei konstrui iha munispiu tolu hanesan Lautem, Manatutu no Manufahi',
tenik Ministru Edukasaun Ensinu Superior, Longuinhos dos Santos, hafoin enkontru ho Ministru Obras públika, iha salaun MOP, Sesta (15/2/19).

Kontrusaun ba edifisiu politéknika ne’e realiza depende ba revizaun dezeñu hafoin tama iha planu kontrusaun no planu orsamentu jeral 2020 nian.

Fatin ne’ebé atu halo kontrusaun ba politéknika tolu ne’e, oferese husi komunidade sira, iha Munisipiu Lautem rai ektare sanulu ba área turizmu no otelaria, Munisipiu Manatutu ba área akadémika peska no maroñu oferese ektare 174 no Eskola Politeknika Betanu, Manufahi, ektare sanulu.

Iha fatin hanesan, Ministru Obras Publika, Salvador Pires hatete, revizaun ba dezeñu kontrusaun ensinu superior politéknika iha fatin tolu ne'e sei haree didi'ak kontrusaun ninia hodi halo poupansa ba kontrusaun ne’e rasik, para bele tulun Ministeiru Edukasaun.

“Ami sei la halo mudansa ba dezeñu ne’ebé mak iha ona, fiar katak prosesu hahú estabelesimentu dezeñu ne’e no sei realiza ho forma dezeñu ne’ebé iha ona", dehan nia.

Nune’e, Ministériu Obras Públika nia papél mak iha lei orgânika VIII Governu Konstituisionál nia mak atu haree kualidade kontrusaun ninia.