“Iha sanulu (10) resin kuandu haree sira-nia rain iha ne'e ita sei ajuda maibé sei halo kritéria para selesiona ba sira loloos ida ne'ebé mak prense rekézitu mak ita ajuda”, dehan Nokosiku ba www.tempotimor.com iha Palásiu Governu, kuarta (11/05).

Tanba orsamentu ba konstrusaun sede ba arte marsiál ne'e sei servisu hamutuk ho Komisaun Reguladora Arte marsiál (KRAM) no Gabiente Primeiru Ministru liuhusi Gabinete Apoiu Sosiedade Sivíl.

“Orsamentu ba konstrusaun sede ne'e aprova ona orsamentu ne'e tau alokasaun do Governu sei preparasaun SEJD, KRAM Gabiente Primeiru Ministru Gabinete Apoiu Sosiedade Sivil nian sei define kriteria sira oinsá mak atribui apoiu ne'e ba arte marisiais sira”, afirma nia.

Apoiu ne'e la'ós de'it ba sede de'it maibé mós ba funsionamentu loroloron ninian, liliu Arte Marisiál legaliza ona ne'ebé presiza sira-nia organizasaun hodi halo resensiamentu ba membru sira.

“Atu hatene nia membru hira loloos oinsá atu ajuda kontrola ninia treinadór sira, regulamenntu internál sira ne'ebé mak organizasaun tenke impoen ba nia membru sira”, dehan nia.

Nune'e Orsamentu millaun $2.6 sei ajuda atu ajuda sira hodi kontrola no kontribui no sai parseiru ida ba Governu hodi halo dezenvolvimentu ba Timor-Leste nian.

Ba Arte Marisiál 17 mak rejistu ona nune'e 4 sei rejistu iha tinan 2022 ne'e mak totál Arte Marisiál hamutuk 21 iha Timor-Leste. (*)