Login to your account

Username *
Password *
Remember Me

Autoridade Seguransa Atua Estudante 'Ulun Toos' ba Regra iha Suai

Membru PNTL no F-FDTL atua hela estudante sira iha karantina Kayrala Xanana Gusmão Holbelis, Suai, Sábadu (17/4) Membru PNTL no F-FDTL atua hela estudante sira iha karantina Kayrala Xanana Gusmão Holbelis, Suai, Sábadu (17/4) Foto Suplai

Tempotimor (Covalima) - Autoridade seguransa no defeza iha Postu Administrativu Suai, Munisípiu Covalima atua estudante Sira ne’ebé ulun toos hodi kontra regra ne’ebé estabelese ona ba prevensaun surtu Covid-19.

Atuasaun ne’ebé halo husi autoridade seguransa no defeza hasoru estudante sira iha Suai, sábadu (17/04), bainhira ekipa saúde atu tula estudante ne’ebé pozitivu ba Covid-19 ne'ebe baze rezultadu teste Swab ba fatin Izolamentu iha Suai.

Maibé estudante sira ulun toos hasoru ekipa saúde mak autoridade rua ne'e halo atuasaun ba estudante sira ne'ebé kumpri hela kuarentena iha Aeroportu Kay Rala Xanana Gusmão Holbelis Suai, no deskute malu ho administrdór munisípiu Covalima no ekipa saúde, tanba estudante sira la hetan swab, maibé ekipa saúde sira fó sai dehan estudante balun pozitivu ba covid-19.

Estudante Teodoru Ramos Cardoso hatete, sira la satisfas ho ekipa saúde nia servisu, autoridade seguransa no defeza sira ne'ebé atua, tanba parte saúde sira la halo teste swap.

"Ami la halo asaun hasoru seguransa PNTL no F-FDTL sira, ami só defende de'it ami-nia kolega Alosius Gonçalves ne'ebé parte saúde sira deskonfia positivu ne'e”, Teodoru ba www.tempotimor.com iha kuarentena Aeroportu Kay Rala Xanana Gusmão Holbelis, sábadu (17/04).

Maibé autoridade seguransa ho karreta to’o kedan iha fatin kuarentena hodi atua estudante sira ne’ebé la satisfas ho sira-nia kolega na’in-rua hatudu rezultadu pozitivu ba Covid-19.

“Ami triste tebes ho asaun F-FDTL no PNTL nia servisu, se kolega ne'e positivu entaun ami sira ne'e pozitivu hotu, horseik husi ekipa saúde fó sai ne'e positivu na'in-rua de'it”, afirma nia.

Iha fatin hanesan Médiku Jerál, Nazario Barreto mós promete ba estudante sira katak sei hadi'a erru ne'ebé parte saúde no seguransa komete ona, maibé husu estudante sira atu simu rezultadu teste ne’ebé fó sai husi Laboratóriu Nasional Saúde.

"Fallansu ne'ebé mak iha ami koko hadi’a, tanba tuir ami saúde moras Covid-19 ne'e iha duni, ne'ebé ami saúde la bosok bazeia ba mákina ne'ebé detekta ita-boot sira-nia rezultadu teste swap pozitivu no negativu, ne'ebé mákina mak detekta”, hateten nia.

Entertantu Administrdór munisípiu Covalima, Fransisco de Andrade mós to’o kedan fatin akontesimentu, hodi husu estudante sira-nia konxiénsia iha kuarentena laran atubele kumpri.

"Husu ba estudante sira tenke uza konxiénsia para hasoru preokupasaun ne'ebé iha”, afirma Administradór.

Alende ne'e, www.tempotimor.com mós koko halo konfirmasaun ba Koordenadór Sentru Integradu Jestaun Krize (SIJK) iha Covalima, maibé SIJK rasik lakohi fó komentáriu kona-ba estudante sira ne'ebé hetan atuasaun husi autoridade seguransa no defeza iha kuarentena.

Maske notísia ne’e, tuun, maibé www.tempotimor.com seidauk halo konfirmasaun ho komandante Polisia Nasional Timor-Leste Munisípiu Covalima kona-ba atuasaun ne’ebé autoridade seguransa halo hasoru estudante sira iha kuarentena Kay Rala Xanana Gusmão Holbelis. (*)

Rate this item
(0 votes)
Last modified on Sunday, 18 April 2021 12:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter