Udan Estraga Pateka Ektares Ida Resin iha Salele

To'os na'in Joni Amaral iha hela to'os laran hodi hili pateka fuan ne'ebé sei di'ak. Tersa (6/4 To'os na'in Joni Amaral iha hela to'os laran hodi hili pateka fuan ne'ebé sei di'ak. Tersa (6/4 Foto Tempo Timor

Tempotimor (Covalima) Durante udan boot akontese iha loron sábadu no domingu semana kotuk ne’e estraga komunidade sira-nia pateka hun kuaze 300 inklui pateka nia fuan sira iha to'os laran iha aldeia Ai-oan suku Lalawa postu administrativu Tilomar.

Tuir to'os na’in Joni Amaral katak, pateka hun rihun haat resin mak kuda iha to'os laran, maibé akontese udan boot ne’e to’o ikus koleta kareta baskolante isin ida de’it, tanba hetan estragus husi inundasaun.

"Ha’u kuda pateka rihun haat resin, maibé ohin loron kolleta tula ba kareta baskolante isin ida de’it mak di’ak, restu ne’e aat hotu tamba impaktu husi inundasaun bee sa’e barak mak mota lori no mout iha tahu laran," dehan Joni ba www.tempotimo.com iha nia to’os, Tersa (6/4).

Komunidade ne’e triste tebes ho inundasaun ne'e, tanba durante ne'e esforsu aan atu faan iha merkadu hodi hetan osan, maibé udan estraga hotu produtu sira ne’e.

"Ha’u triste tebes maibé ami kontinua servisu nafatin ba oin, tanba ami agrikultór nia servisu mak ne'e ona, tanba ba buka servisu mós arska bainhira situsaun hanesan ne'e, tanba ne'e mak ami halo servisu hanesan ne'e," hatete Nia

Iha sorin seluk xefe aldeia Aioan suku Lalawa Manuel Amaral rekoñese katak, durante udan boot loron haat ne’e mota tun estraga komunidade sira-nia pateka iha to'os laran, entaun loron akontesimentu ne’e hato’o ona ba xefe suku inklui ekstensionista postu Tilomar nian.

"Udan boot ne’e halo bee sa’e, mota estraga duni komunidade nia pateka fuan atus haat resin mak estraga husi sira-nia to'os no loron ha’u mós hato'o kedas ba xefe suku no ita-nia extensionista postu Tilomar ne'ebé sira mai haree ona," katak nia.

Entertantu tuir observasaun jornalista www.tempotimor.com iha terrenu nota direta udan durante loron haat estraga Komunidade nia pateka iha to'os ektares ida resin no balu mota lori no mout iha tahu laran no balun fó han de’it karaun, tanba aat hotu ona.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter