Negosiante Amelia Barros (27) ne'ebé fa’an sasán iha baraka Metila área Tasi Suailoro katak, durante serka sanitária iha Munisípiu Covalima fulan ida, laiha ema ruma mak mai han iha barraka Tasi ibun Suailoro.

"Komesa moras Covid-19 mosu iha Covalima ne'e, laiha atu mai vizita ami-nia barraka, tanba ema hotu ta'uk ba moras covid-19, ne'ebé ami-nia katupa ho ikan sira aat no i’is hotu, ne'ebé ami na'in mak han fali, han la hotu ne'e soe de'it, tanba ema la mai hola no laiha ema mai han iha barraka ne'e”, hatete Amelia ba www.tempotimor.com iha nia servisu fatin Lo'o, kinta (01/04).

Vendedor ne'e sente triste tebes ho serka sanitária durante fulan, tanba rendimentu fulan ne'e kompara ho fulan kotuk menus tebes.

"Iha fulan kotuk ne'e, loron ida ami hetan husi US$400.00 to'o US$500.00, maibé agora loron ida, ami la hetan liu, daluruma nia sa’e to'o US$4.00 la liu ida ne'e to'o agora, ne'ebé ami triste loos, tanba durante serka sanitária to'o agora ema mai hola ami-nia sasán ne'e menus loos, dalaruma loron tomak ema la mai”, dehan negosiante ne'e.

Entertantu observasaun www.tempotimor.com iha terrenu nota katak, durante ne'e laiha ema ruma mak vizita ba barraka sira iha tasi ibun Suailoro, tanba relasiona ho Covid-19.(*)