Pasaporte Mate, Indonézia Deporta Estudante TimorOan Na'in 2

Autoridade sira akompania estudante Timoroan na'in rua ne'ebe deporta husi Indonezia, via salale, Sabado (20/2) Autoridade sira akompania estudante Timoroan na'in rua ne'ebe deporta husi Indonezia, via salale, Sabado (20/2) Foto Tempo Timor

Tempotimor (Covalima)- Ohin, Governu Repúblika Indonézia (RI) deporta fila liu husi Salele Suai, sidadaun timoroan na'in rua ne'ebé durante ne'e hala'o estudu iha Universidade ida iha Kupang, tanba pasaporte mate.

Tuir Xefe pontu entrada Salele Humberto Yohanes katak, sidadaun na'in rua ne'e hetan deportasaun tamba sira-nia pasaporte mate, entaun sira mai ho dokumentu travel nian.

"Sidadaun timoroan oan na'in rua ne'e eskola iha Indonézia Universidade Únika iha Kupang, ne'ebé ohin husi Indonézia deporta fila fali mai, tanba sira-nia pasaporte mate," dehan Humberto iha nia knaar fatin, pontu entrada Tilomar, Salele, Sábadu (20/2).

Nia akresenta, bainhira sidadaun na'in ne'e to'o iha pontu entrada Salele nian, ekipa Ambulansia transporta kedas sira ba karantina no hasai kedas sira-nia amostra hodi halo teste, maibé sidadaun na'in rua ne'e negativu Covid-19.

"Sidadaun na'in rua ne'e mane ho naran inisiál ERX (26) husi Munisípiu Ainaro parte Manutasi no sidadaun feto ho naran inisiál NDC (26) ne'e husi Postu Administrativu Fohorem, munisípiu Covalima," Dehan Nia.

Sidadaun timoroan nain rua, mak deporta husi Indonezia ne'e nu'udar estudante finalista ne'ebé durante ne'e hala'o sira nia estudu iha universidade Únika kupang-Indonézia.

Entretantu observasaun www.tempotimor.com terenu nota katak, sidadaun na'in rua ne'e tama iha pontu entrada Salele maizumenus tuku 11:25 otl, no hetan kedan atendementu husi equipa servisu saúde postu entrada Tilomar no halo kedas disinfekta.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks