Tempotimor (Dili) - Sentru Integradu Jestaun Krize (SIJK) deteta tan kazu foun hamutuk 69 iha territóriu Timor-Leste, nune'e totál kazu ne'ebé ativu to'o oras ne'e hamutuk 956.

Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS), Rui Maria de Araújo hatete, kazu detetatu foun hamutuk 69 ne'e, kazu 63 iha kapitál Dili, no 6 iha munisipiu seluk, ne'ebé kompostu husi mane 44, feto 25.

"Husi totál kazu detetadu foun asintomátiku 63 (91,3%), sintomátiku 6. Iha 64 (92,7%) mak deteta tanba halo teste ho razaun atu halo viajen ba Munisípiu hafoin deteta pozitivu", inform Rui liuhusi zoom conference, sábadu (24/04).

Maske nune’e, sira ne’ebé hetan rezultadu teste pozitivu husi grupu ne’e, maioria hela fatin iha duni cluster sira ne’ebé iha kazu detetadu barak iha Munisípiu Dili.

"Kazu rekuperadu ne’ebé ralata ohin, dia 24 de Abril 2021 iha 38 no totál kazu ativu iha 956", dehan nia.

Durante loron rua nia laran, sira ne'ebé halo testes PCR iha Laboratóriu Nasionál Saúde hamutuk 796, ho detalladu hanesan, Vijilánsia sentinela iha 62, Rastreiu ba kontaktu (Contact tracing) hamutuk 15, Rastreiu Aleatoriu (Random Screening) iha 227, viajen sai husi serka sanitária munisipiu Dili 430, viajen internasionál laiha, follow up iha quarentena hamutuk 62, teste follow up ba sira iha fatin izolamentu total 85, no na'in 38 negativu ona, maibé 47 sei nafatin pozitivu.

Tanba ne'e, nia kontinua husu ba públiku tomak atu nafatin kuidadu-an, kumpri mós regra sira husi MS ho OMS hodi evita progasaun surtu covid-19 iha TL.(*)

Tempotimor (Dili) - Pasiente covid-19 na'in ida ne'ebé molok ne'e baixa ho kondisaun gráve iha izolamentu Vera Cruz, dadaun ne'e sinal hatudu ona rekupera di'ak duke loron sira liu ba.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS), Rui Maria de Araújo hatete númeru kazu Covid-19 pozitivu kada loron kontinua aumenta bebeik.

Tempotimor (Dili) - Sentru Integradu Jestaun ba Krize (SIJK) rejista ona kazu Covid-19 ativu hamutuk 925, falta kazu 75 Timor-Leste tana ona 1,000 (rihun-ida).

Tempotimor (Dili) - Sentru Integradu Jestaun ba Krize (SIJK) rejista pasiénte Covid-19 na’in-2 dadaun ne’e grave ona iha Vera Cruz no uza de’it CPAP (Continuous Positive Airway Pressure).

Tempotimor (Dili)- Matebian OM (61) ne'ebe hakotu iis ho covid-19 iha sala izolamentu Vera Crus, Família ho autoridade sira lori ba haloot ona tuir serimonia kultura iha semitériu públiku Bekussi.

Natalino Cortereal nu’udar família matebia OM hatete, parte sira agradese ba governu tanba aseita preokupasaun família hodi ba hakoi mate-isin tuir kultura.

”Ami agradese ba parte hotu, liuliu Ministériu Saúde ne’ebé tulun ona família hodi haloot mate-isin tuir ita-nia kultura”, dehan nia hafoin haloot mate isin OM iha semitériu públiku Bekussi, sesta (23/04).

Família matebian mós agradese ba líder Partidu CNRT, Kay Rala Xanana Gusmão ne’ebé oferese ona kaixaun.

Kazu ne’ebé konfirmadu pozitivu covid-19 hodi oho matebia OM, mak família matebian sei kolabora nafatin ho parte saúde atu halo teste swab, atu nune’e evita transmisaun COVID-19.

Partisipa iha serimónia funerál ne’e reprezentante husi pilár I ba planeamentu COVID-19, Prezidente Komisaun Omenájen, Virgílio Smith, família no hetan seguransa máximu husi membru Polísia Nasionál Timor Leste (PNTL) no FALINTIL-Forsa Defeza Timor Leste (F-FDTL). (*)

Tempotimor (Dili) - Pasiénte ho naran inisial OM ne'ebé pozitivu covid-19 hakotu ona nia iis iha sala izolamentu Verra Cruz, kinta (22/0/04).

Tempotimor (Dili)- Estudante Front Mahasiswa Timor-Leste (TL) lamenta tebes ho atu ne'ebé Polisia Nasional Timor Leste (PNTL) halo hasoru pasiénte covid-19 no sidadaun sira iha kuarentena Munisípiu Manufahi.

Tempotimor (Dili) - Sentru Integradu Jestaun ba Krize (SIJK) iha loron domingu (18/04) rejistu tan kazu foun covid-19 na'in-70 ne'ebé kompostu husi munisípiu Dili na'in-65, husi munisípiu sira seluk na'in-5 no kazu rekuperadu na'in-21.

Tempotimor (Dili) - Sentru Integradu Jestaun ba Krize (SIJK) rejista kazu rekoperadu ba Covid-19 iha Timor-Leste (TL) sa’e ba na’in-neen nolu (60).