Tempotimor (Dili)-Polísia Repúblika Indonézia (POLRI) kaptura sidadaun timoroan hamutuk ema na’in-113 iha Atambua, Munisípiu Belu, Provínsia Nusa Tengara Timur (NTT)-Indonézia.

Tempotimor (Díli)-Primeiru-Ministru (PM), Taur Matan Ruak, hala’o reuniaun extraordinária Komissaun Interministerial Koordenasaun ba Implementasaun medidas Prevensaun no Kontrolu surto Coronavírus 2019 iha Timor Leste, hodi deside aplika medida ba prevensaun no kontrolu Surtu Covid-19 iha rai laran.

Tempotimor (Dili)-Ministériu Saúde (MS) liuhusi Diresaun Kontrolu Doensa no Departamentu Moras Lahadaet fó sai katak, labarik ho idade tinan 6 husi Munisípiu Dili no Ermera iha pursentu 2 (2%) mak sofre moras fuan.

Tempotimor (Dili)-Deputada Bankada Congresso Nacionál de Reconstrução de Timor (CNRT), Maria Fernanda Lai hatete, nia parte kontra Prezidente Parlamentu Nasionál (PN), Aniceto Longuinhos Guiterres  Lopes, ne’ebé konvoka reuaniaun plenária normál iha  tempu resesu.

Tempotimor (Dili)-Komandu Polísia Nasionál Timor-Leste (PNTL) husi Unidade Patrullamentu Fronteira (UPF), segunda (09/08), maizumenus tuku 11 kalan, kaptura tan sidadaun timoroan hamutuk na’in-4 ne’ebé tenta atu hakat fronteira terestre ho ilegál ba Indonézia.

Tempotimor (Dili)-Diretór Forum Organizasuan Naun Governamentál Timor-Leste (FONGTIL), Daniel Santos do Carmo hatete, komunidade sira durante ne’e barak sei menus koñesimentu ba regra prevensaun Covid-19.

Tempotimor (Dili)-Komisaun Permanente Parlamentu Nasionál (PN) aban, loron tersa (10/08), sei hala'o plenária estraordinária hodi diskute no aprova finál globál ba projetu-Lei Organizasaun Judisiál (LOJ) nomós proposta-Lei Organizasaun Funsionamentu Tribunál (LOFT).

Tuir ajenda númeru 285/V (3a), ne'ebé fó sai husi Gabinete Prezidente Parlamentu Nasionál (PN) katak, reuniaun plenária estraordinária ne'e sei prezide husi Prezidente PN, Aniceto Longuinhos Guterres Lopes, iha tuku 09:00 dader, ne'ebé sei hahú ho abertura (antes orden do dia) to'o remata.

Projetu lei Organizasaun Judisiál númeru 19/V (3a) ne'e sei adjusta ho Projetu Lei Estatutu Majistradus Judisiál ho totál artigu hamutuk 179.

Enkuantu relatóriu no pareser ba Lei Organizasaun no Funsionamentu Tribunál númeru 28/V (3a) ho artigu 85 ne'e, Komisaun A aprova ona iha loron 23 fulan-jullu tinan 2021.

Iha  proposta lei ne'e, Komisaun A deside revoga regulamentu UNTAET númeru 11/2002, ne’ebé mak hari’i Tribunál Primeira Instansia haat (4), Tribunál Rekursu ida hanesan konstituisaun fó dalan hodi funsiona hanesan Tribunál Instansia Máxima hanesan Supremu Tribunál.

Nune'e mós iha konkordánsia entre deputadu ho governu kona-ba atu hari’i Tribunál Supremu ho Juis na’in-hitu (7) kompostu husi juis kareira ni’an-4, depois sei halo tan rekrutamentu pur méritu ba juis na’in-tolu (3) hodi kompleta na’in-hitu (7) hodi servisu iha Tribunál Supremu.

Alénde ne’e, konkorda mós hodi tau juis na’in-sia (9) iha Tribunál Rekursu, hodi hala’o nia kna’ar ba julgamentu ba matéria faktu, matéria kona-na direitu ho matéria penál.

Entrentantu iha reuniaun plenária estraordinária, Parlamentu Nasionál sei aprezenta projetu-rezolusaun númeru 79/V (3a), kona-ba fatin ne'ebé atu utiliza ba konstrusaun edifísiu foun ba Parlamentu Nasionál (PN) nune'e sei entrega konpeténsia ba deputadu atu hala'o diskusaum no aprovasaun. (*)

Tempotimor (Dili)-Komunidade Uma-kain hamutuk atuida-hitunolu (170) iha aldeia Heni-Huta, Suku Builale, Postu Administrativu Ossu, Munisípiu Vikeké seidauk asesu eletrisidade.

“Ami-nia suku ne'e iha aldeia ida Heni-Huta ne'e mak seidauk asesu liña eletrisidade, ne'ebé ho totál uma-kain ne'e 170 ital, entaun ne'e problema oituan ba ami-nia komúnidade atu asesu informasaun iha nível nasionál, tanba agora ne'e situasaun pandemia Covid-19 nia laran, maibé oinsá mak sira atu asesu informasaun, sera que ahi laiha, inklui dezenvolvimentu iha rai laran mós sira la asesu”, dehan Xefe Suku Builale, António Gomes Monis, liuhusi via telefone, segunda (09/08).

Maske haruka ona proposta ba parte relevante sira maibé seidauk iha resposta, tanba ne'e halo proposta foun ba Eletrisidade Timor-Leste (EDTL) no iha ona resposta katak problema eletrisidade tama ona programa governu ba tinan 2021.

Ho ida ne’e sujere ba parte relevante sira atu tau atensaun ba problema sira ne'ebé komunidade enfrenta iha baze liliu Uma-kain 170 ne'ebé la asesu liña eletrisidade, tanba komúnidade sira presiza tebes informasaun iha nível nasionál.

Suku Builale ho nia totál populasaun 2209, husi Aldeia Liaró, Betekai Ana, Kai Tara Hu'u, Heni-Huta, no Kaileti Ana. (*)

Tempotimor (Dili)-Ministériu Obras Públikas (MOP) dadaun ne'e hahú diskute kona-ba prosesu distribuisaun orsamentu ho montante hamutuk rihun US$157 ba kada pakote.

Tempotimor (Dili)-Diretór Ezekutivu Forum Organizasaun Naun Governamentál (FONGTIL), Daniel do Carmo, husu ba komandu Polísia Nasionál Timor-Leste (PNTL) atu demite membru UPF (Unidade Patrulla Fronteira) ne’ebé fasilita atividade ilegál iha fronteira bainhira iha evidénsia forte.

“Kona-ba membru polísia ida UPF (Unidade Patrulla Fronteira) ne'e envolve fasilita ita-nia sidadaun sira pasajen ilegál ne'e tuir ita-nia hatene mak ne'e no ita-nia hakarak ita-nia ejize ne'e mak, kuandu iha investigsuan mak iha indisius forte ne'e tenke (pecat) demite depois anunsiu ba públiku katak ida hanesan ita-boot halo ne'e la di'ak no la respeita instituisaun PNTL entaun tenke demite imediatu ba públika”, deklara Daniel do Carmo iha FONGTIL, Kaikoli, segunda (09/08).

Deputada husi Bankada Kmanek Haburas Unidade Timor Oan (KHUNTO), Olinda Guterres hatete, membru ne’ebé deskonfia identifikadu tenke hasai nia husi nia kna’ar hanesan polísia.

“Membru polísia ne'ebé fasilita kuandu identifika polísia ida ne'e nia tenke sai husi Polísia se karik kaer toman labele fó de'it sansaun ba kastigu de'it ne'e labele ne'e tuir ha'u-nia hanoin para nia maluk polísia sira mós labele halo tuir dalan ida”, dehan nia.

Iha loron 7 fulan-Agostu, PNTL husi Unidade Batallaun Orden Públika ho Companhia Operação Especial (COE) kaptura sidadaun mane na'in-11 iha Suku Saburai, Postu Administrativu Maliana, Munisípiu Bobonaru, bainhira tenta atu hakat ilegál husi fronteira terrestre Timor-Leste ba sa'e sintu (sabuk) iha nasaun Repúblika Indonézia (RI).

Tanba deskonfia sidadaun na'in-11 ne'ebé tenta hakat liu fronteira, tanba Membru PNTL husi Unidade Polísia Fronteira (UPF) hamutuk ho sidadaun Indonézia ida koko atu fasilita sira hodi hakata ilegál ba Indonézia. (*)