Login to your account

Username *
Password *
Remember Me

POLRI Kaptura Timoroan 113 iha Atambua

Sidadaun Timoroan hamutuk na'in-113 ne'ebé Polísia Indonézia Kaptura iha área Atambua, Postu Administrativu Belu, tersa (10/08). Sidadaun Timoroan hamutuk na'in-113 ne'ebé Polísia Indonézia Kaptura iha área Atambua, Postu Administrativu Belu, tersa (10/08). Foto: Suplay

Tempotimor (Dili)-Polísia Repúblika Indonézia (POLRI) kaptura sidadaun timoroan hamutuk ema na’in-113 iha Atambua, Munisípiu Belu, Provínsia Nusa Tengara Timur (NTT)-Indonézia.

“Hakarak informa ba ita hotu katak, agora dadauk ema hotu preukupa ho ema sira ne'ebé mak agora dadauk passa fronteira, ita hatene katak, iha loron hirak liuba, ita-nia Polri, kaptura ema na'in-113 iha Atambua. Sira ne'ebé mak halo sira-nia atividade iha Atambua ne'ebá (Indonézia), e oras ne'e dadauk, sira iha hela Polísia Indonézia nia liman, hamutuk 113”, informa Portavóz Komandu Jerál PNTL, Superintendente Xefe, Arnaldo de Araújo, iha Kuartel Jerál, Kaikoli, tersa (10/08).

Sidadaun hirak ne’e antes ne'e hakat ilegál liuhusi fronteira terrestre Timor-Leste nian hodi ba tuir graduasaun sa'e sintu iha Indonézia.

“Dalan ne'ebé sira sempre liuba, ha'u hakarak hatete ba ita-boot sira, iha dalan-haat. Dalan husi rai, tolu husi tasi ida. Dalan husi rai tolu ne'e mak Fatumean, Lamaknen ho Turiskai, nomós liuhusi Tasi. Sira ne'e mak atravessa ba Indonezia Atambua, hodi ba halo atividade iha ne'ebá”, hatete Arnaldo.

Sidadaun timoroan hamutuk na’in-113 ne'e, kompostu husi mane na'in-103 no feto iha na'in-8, ne'ebé Polísia Indonézia kaptura iha loron segunda (09/08/2021), maizumenus tuku 09:00 oras Indonézia nian.

Tuir planu, POLRI liuhusi Polísia Atambua sei deporta sidadaun hirak ne'e mai Timor-Leste husi odamatan Batugade nian, Postu Administrativu Atabae, Munisípiu Bobonaru.

Bainhira to'o iha fronteira, Komandu PNTL, liuhusi Unidade Polísia Fronteira (UPF), Batallion Ordém Públika (BOP), Companhia Operaçăo Especial (COE), Komandu Munisipiu Bobonaru (KMB), inklui Falintil-Forsa Defeza Timor-Leste (F-FDTL) ne'ebé destaku iha liña fronteiras sei halo identifikasaun, hafoin entrega ba Ministériu Saúde hodi hatama ba kuarentena durante loron 14, hafoin kontinua ho prosesu legál seluk.

“Depois de entrega mai maka ita sei halo prosesu tuir regra ou lei ne'ebé mak vigóra iha ita-nia rai, otomatikamente sira mós sei tama karantina 14 dias, depois de ne'e mak sei halo prosesu tuir mai”, esplika nia.

Tanba ne’e agradese ba kooperasaun husi Polísia Indonézia nian Polres Belo, Atambua, tanba ho esforsu másimu hodi kaptura ona timoroan sira ne'ebé la obedese ba norma legál mak estabelese iha nasaun rua nia.

“Hakarak hato'o obrigadu ua'in ba governu Indonézia, liliu Polísia Indonézia nian, espesiál ba polísia Polres Belu, ne'ebé mak sira ho esforsu maka'as bele kaptura ita-nia maun alin sira ne'ebé agora dadaun iha hela sira-nia fatin, e obrigadu ua'in tan ba ita-nia reprezentante Polri ne'ebé mak agora dadauk iha Timor-Leste, nia mós servisu maka'as, halo kooperasaun maka'as ho PNTL hodi nune'e ita-nia serbisu kooperasaun ne'e bele la'o ho di'ak, mak ema ne'ebé mak agora dadauk detein hela iha Polres Belu, sei entrega mai tempu badak”, dehan nia. (*)

Rate this item
(0 votes)
Last modified on Tuesday, 10 August 2021 14:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter