Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, suku balun área rurál durante ne’e seidauk bele asesu ba Rádiu no Televizaun Timor-Leste, empreza públika (RTTL,ep), tanba torre balun seidauk hari’i.

Tempotimor (Dili)-Prezidente Komisaun Nasionál Eleisaun (CNE), Jose Augustinho da Costa Belo Perreira konsidera, partisipasaun sidadaun iha eleisaun Prezidente Repúblika (PR) no Parlamentar ne'ebé sei hala’o iha tinan 2022 no 2023, importante atubele ezerse diretu votu.

Tempotimor (Dili)-Kooperativa Kafé Timor (CCT) husu Prezidente Repúblika, Francisco Guterres 'Lú Olo' atu apoiu sensibiliza informasaun no materiál ba komunidade hodi dezenvolve kafé.

Jerente Kooperativa Kafé Timor (CCT), Moises do Rego, husu Prezidente Repúblika, Francisco Guterres 'Lú Olo' apoiu emtermus de formasaun ba komunidade  la bele tesi kafé arbiru no mós material ba kuda Kafé.

“Ami husu Prezidente nia apoiu morál nomós inmaterial no inspirasaun komunidade nian kona-ba kafé nia folin”, dehan nia iha CCT Postu Administrativu Maubise, Munisípiu Ainaro, segunda (16/08).

Maibé iha difikuldade folin nomós tanba hola kafé ho tempu udan hanesan ne'e sei la bele akumula hotu.

Kona-ba rezultadu produsaun kafé tinan ida ne'e as liu duké tinan rua nia kotuk tanba iha tinan 2021 ne'e CCT hetan ona tonelada rihun-19.

“Ami-nia kafé organik ne'e atu halo exportasaun ba mundu la'ós iha Timor maibé iha nasaun ne'ebé ohin loron ita parseiru hela ba hanesan iha Europa Asean”, informa nia.

Enkuantu Kooperativa Kafé Timor husi iha munisípiu Ainaru, Manuhafi, no Aileu iha ema hamutuk 50.  

Xefe Casa Sivil Prezidnete Repúblika, Francisco Maria de Vasconselho hatete, preokupasaun hirak ne'e sei haruka ba ministériu relevante sira atu oinsá bele haree.

“Ha'u ohin simu proposta husi sira maibé ami, Prezidente Repúblika la'ós ezekutivu. Ha'u simu proposta depois sei inkamiña ba Ministériu sira ne'ebé kompetente iha área ida ne'e atu tau matan”, dehan nia. (*)

Tempotimor (Díli)-Centro Quesadhip Ruak (CQR) halo vizita filafali ba família Georgino de Jesus ne'ebé durante ne'e sofre moras Hidrosefalos, hodi fó apoiu nesesidade báziku, segunda (16/08).

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, nia parte lakoi estadu sofre demokrásia defisiénsia, ka paralizasaun serbisu profisionalizmh iha orgaun eleitorál.

Tempotimor (Díli)-Adjuntu Komisaun Komisaun Anti Korrupsaun (KAK) ba Assuntu prevensaun no sensibilizasaun, Luis de Oliveira Sampãio hatete, sira konsege detekta Kompaña haat (4) manipula folin sasán iha implementasaun programa Sesta Bázika.

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, Governu sei fó nafatin asisténsia ba programa naroman ba suku atu kontinuedade.

Tempotimor (Díli)-Diretór Ezektivu Sentru Lojístika Nasionál, Jacinto Paijo hatete, oras ne'eSentru Lojistika Nasionál (CLN) sosa ona hare kulit tonelada 400 husi grupu agrikultór hamutuk 27 iha Maliana.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, fó pose ba Prezidente Komisaun Nasional Eleisaun (CNE), José Augostinho da Costa Belo Pereira no komisiáriu foun na'in-neen (6) ba mandatu tinan-lima.

Tempotimor (Dili)-Komisaun Anti Korrupsaun (KAK) hamutuk ho Servisu Investigasaun Kriminál Nasionál (SIKN) iha loron segunda (16/08) ne'e, ezekuta mandadu Tribunál Distritál Dili (TDD) hodi halo aprensaun ba dokumentu kontratu Ró Tranship II Gresik iha Administraçăo dos Portos de Timor-Leste (APORTIL) Dili.

Mandadu buska no aprensaun ne'e, ekipa konjunta hala'o direta ba Diresaun Nasionál Kaputazen Ró Nakroma nian, ho númeru Nuc 007/21.CACTL, hodi halo buska iha domisíliu no prende sasán, ba Ró Tranship II, iha Aportil.

Aliende halo aprensaun ba dokumentu kontratu sira kona-ba ró nian, ekipa sira halo mós operasaun ba karreta ida ne'ebé durante ne'e diretór Aportil uza hodi halo serbisu, ho númeru matrikula, 06.261G.

Ho operasaun ba karrera ne'e, atu buka no rekolla tan dadus ne'ebé deskonfia rai subar iha karreta laran.

Maske nune'e, tuir informasaun katak, loron iha sesta (13/08) foin lalais, Ró Tranship II, kapitaun sira lori fila ona ba nasaun Indonézia.

Ba kontratu ró refere Governu liuhusi Ministériu Turízmu Transporte no Komunikasaun (MTK) halo fulan ida selu ho osan ho montante hamutuk US$220 milhõns. (*)