Tempotimor (Dili)-Ministériu Saúde liuhusi Sentru Integradu Jestaun ba Krize (SIJK) rejistu pasiénte timoroan na'in-3 hela iha Dili mate ho Covid-19 iha sala izolamentu Vera Cruz.

Tempotimor (Dili)-Kooperativa Grupu Haburas husu ba Governu atu kria kondisaun merkadu iha Postu Admnistrativu Maubessi, Munisípiu Ainaro ba produsaun ai-han.

Tempotimor (Dili)-Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, kazu Covid-19 foun iha loron 16 fulanfulan-agustu tinan 2021 hamutuk 117 no totál pozitivu ativu 2.141.

Tempotimor (Dili)-Populasaun iha Timor-Leste (TL) hamutuk pursentu 45,2 (45,2%) simu vasina doze dahuluk no pursentu 16,9 (16,9%) kompleta ona vasina doze daruak.

Tempotimor (Díli)-Pontu Vokál Komisaun Anti Korupsaun Euclides Madeira hatete, posibilidade bele halo detensaun ba Diretór Kabotajen ho iniál FCC bainhira iha prosesu identifikasaun dadus forte relasiona ho Ró Tranship II Gresik.

Tempotimor (Díli)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno hatete, Governu prepara dalan Single Travel Unique (STU) hodi fasilita estudante sira ne’ebé viza mate iha estranjeiru bele fila Timor-Leste hodi estende.

Tempotimor (Manufahi)-Xefe Cass Sivíl Prezidente Repúblika, Francisco Maria Vasconselho informa, Prezidente Repúblika (PR), Francisco Guterres ‘Lú Olo’, adia nia vizita ba Munisípiu Manufahi no Ainaro tanba iha kondisaun moras.

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, preokupa ho pandemia Covid-19 ne’ebé nasaun enfreta tanba hatodan nesesidade eleisaun iha tinan 2022 no 2023.

Tempotimor (Díli)-Koordensdór Sesta Bázika, Fernando Araujo informa, lista reklaramente ne’ebé iha dadaun ne’e populasaun hamutuk rihun-25-resin seidauk simu ai-hán Sesta Bázika, maske programa finaliza ona.

“Atu informa ba públiku katak prosesu distribuisaun Sesta Bázika normalmente finaliza ona ita sei falta de'it mak lista pendente ka reklamante ne'ebé mak mai husi munisípiu inklui Dili porvalta de rihun-25-resin, entaun Governu iha ninia planu iha semana ida rua ita sei rezolve no ida ne'ebé simu ona mak 1.454.246 iha territóriu tomak”, dehan Fernando Araújo iha Salaun FONGTIL, Kaikoli, segunda (16/08).

Lista pendente hirak ne'e seidauk tanba lista la tama hamutuk ho lista família nune'e kategóiria iha lista reklamantes no iha faze tuir mai Governu sei atende fali sira.

“Individu ne'ebé mai husi família sira ne'ebé naran seidauk tama sira ne'e hamutuk, dadus hirak ne'e ita hetan iha MAE (Ministériu Administrasaun Estatál) ne'e 25.382 mak seidauk simu Sesta Bázika”, afirma nia.

Daudaun ekipa Sesta Bázika halo hela enkontru ho ministériu relevante halo hela preparasaun no hein tempu badak halo distribuisaun ba lista reklamante sira.

Xefe Suku Fatuhada, Marcelino Soares hatete, iha nia suku komunidade atustolu-resin mak seidauk simu sesta bázika.

“Se buat ne'e bolu dehan katak, justu, no hotu hotu (merata) ha'u la eskola, buat ida adil ne'e dehan justu, merata ne'e dehan hothotu ne'e hetan, mais balun mai koa nafatin Xefe Suku dehan, Xefe ha'u la hetan ha'u la hetan, se mak sala?. Ami iha ne'e rekomenda ba Governu katak ha'u-nia lista ne'e, labele muda tun ida sa'e ba karik imi aumenta asina de'it, para kuandu ema mai karik ha'u bele responsabiliza, menus karik ha'u bele responsabiliza, ema mai reklama karik ha'u bele responsabiliza, iha ne'e trezentus (300) ita xefe das família mak seidauk simu sesta bázika”, dehan nia.

Lista reklamante sira iha Dili hamutuk rihun-13-resin no Munisípiu Ermera populasaun rihun-6 inklui mós iha Munisípiu sira seluk iha maibé ho númeru ne'ebé ki’ik. (*)

Tempotimor (Dili)-Governu Japaun liuhusi embaixada iha Timor-Leste apoiu tan vasina AstraZeneca doze hamutuk rihun-168 (168.000) ba Governu Timor-Leste hodi kompleta vasina ba populasaun sira hotu.

“Governu Japonez oferese ona asisténsia oioin hodi suporta ita-boot sira-nia luta hasoru covid-19. Ohin loron, vasinas AstraZeneca ne'ebé produz husi Japaun, ho montante kuaze dozes rihun-170 to'o iha ne'e”, haktuir Embaixadór Japaun, Masami Kinefuchi, durante diskursu iha serimónia entrega vasina iha salaun MNEK, Praia dos Coqueiros, segunda (16/08).

Apoiu vasina hirak ne'e nu'udár parte husi promesa ne'ebé sira-nia Primeiru Ministru hato’o iha Japaun, bainhira nia konvola reuniaun Vasina husi Japaun Covax hamutuk ho GAVI.

“Ha'u espera katak, fornesimentu adisionál vasinas husi Japaun, ne'e sei kontribui hodi halo kama’an situasaun pandemia iha pais ida ne'e. Hamutuk ita forte, fahe malu ita monu. Ida ne'e mak pais ida ne'e aprova ona iha ninia istória no kontinua sai hanesan matadalan importante ida iha tinan barak ne'ebé sei mai. Ida ne'e sai mós realidade indiskutivel ba ita hotu iha mundu globalizadu ida ne'e”, hateten nia.

Primeiru Ministru (PM), Taur Matan Ruak hatete, doasaun Governu, povu Japaun nian, Timor-Leste simu ona vasina hamutuk rihun-982,380, no iha númeru ida ne’e, Covax fó 1800, Nova Zelándia rihun-24, Xina rihun-100, Austrália 577,580, Portugal iha apoiu rihun-12, no Japaun apoiu vasina hamutuk rihun-168.

“Tanba ne'e, señor embaixadór (Japaun), ha'u hakarak lori hau-nia naran rasik, lori povu Timor nia naran, agradese ita-boot sira esforsu tomak, no liuhusi ita-boot, agradese señor Primeiru Ministru, Japaun no povu Japaun, ba jenerózidade ne'ebé fó kontribuisaun ho vasina para bele salva vida iha ami-nia rain. Ha'u-nia agradesimentu espesiál, ba organizasaun mundial saúde ho inisiál ne'ebé halo esforsu ho difikuldades boot, mais lori vasina ne'e to'o iha Timor”, dehan Taur. (*)