Login to your account

Username *
Password *
Remember Me

Grupu Haburas Husu Governu Kria Kondisaun Merkadu Maubessi

Xefe Casa Sivíl Prezidente Repúblika, Francisco Maria de Vasconcelos halo Vizita hela produsaun husi Grupu Kooperativa Haburas iha Maubisse, segunda (16/08). Xefe Casa Sivíl Prezidente Repúblika, Francisco Maria de Vasconcelos halo Vizita hela produsaun husi Grupu Kooperativa Haburas iha Maubisse, segunda (16/08). Foto Tempo Timor

Tempotimor (Dili)-Kooperativa Grupu Haburas husu ba Governu atu kria kondisaun merkadu iha Postu Admnistrativu Maubessi, Munisípiu Ainaro ba produsaun ai-han.

Tanba ne’e, Xefe Casa Sivíl Prezidente Repúblika, Francisco Maria de Vasconcelos promete, sei informa ba Governu oinsá atu kria kondisaun merkadu ba produsaun ne'ebé Grupu Haburas Produz iha Munisípiu Ainaro, Postu Administrativu Maubisse.

“Haksolok tebe-tebes tanba ita boot sira bele halo serbisu agrikultura e ortikultura iha ektare ida-resin e ita-boot sira halo diversifika ai-horis ne'ebé mak iha laran. Ha'u hanoin tanba ne'e mak hakarak mai vizita e ami fila sei ko'alia ho Governu oinsá mak atubele kria kondisaun merkadu ba ita-nia produsaun sira”, dehan nia hafoin iha vizita Grupu Kooperativa Haburas, iha Maubesi, segunda (16/08).

Tanba ko'alia kona-ba merkadu hahú ona maibé tenke mantein kualidade halo didi'ak e servisu maka’as liután tanba rezultadu lukru la'ós problema montante de'it.

“Agora merkadu seidauk ne'e kestaun tempu de'it maibé ita-boot sira produz ho kualidade di'ak merkadu fasil liuba ita atu hetan merkadu”, hatete nia.

Maibé agradese no apresia tebes ba kooperativa, tanba iha Maubessi iha duni inisiativa iha servisu kooperativa ida ne'ebé di'ak tebes.

“Ha'u hanoin sei la'o ba beibeik, sei ba hetan susesu boot liután ba ita-boot sira-nia an. Ha'u hanoin Governu liuhusi Sekretáriu Kooperativa iha ona planu la'o dadaun sei halo di'ak liután iha futuru atu oinsá ita-boot sira asesu ba merkadu no oinsá mak bele produz di'ak”, afirma nia.

Importante kooperativa moris atu fó moris di'ak ba nia membru sira atu hetan, maibé membru sira susar ne'e la'ós kooperativa, tanba kooperativa ne'e membru sira mak tenke sai di'ak.

Koordenadór Grupu Haburas, Francisco Xavier Do Rego, sente orgullu tanba bele hetan vizita husi hodi haree direita atividade ne'ebé mak halo.

“Ami orgullu tebes ho ekipa Prezidente Repúblika ne'ebé mak mai vizita ami-nia grupu hodi haree rasik”, dehan nia.

Alende ne'e Xefe Casa Sivíl hakat ba kuda ai-oan no presta omenajen ba martire da pátria iha munisípiu Manufahi, Postu Administrativu Same, Suku Daisua, Aldeia Luac. (*)

Rate this item
(0 votes)
Last modified on Monday, 16 August 2021 23:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter