Login to your account

Username *
Password *
Remember Me

Populasaun Pursentu 45,2 Simu Ona Vasina Doze Dahuluk

Primeiru Ministru, Taur Matan Ruak. Primeiru Ministru, Taur Matan Ruak. Foto Suplay

Tempotimor (Dili)-Populasaun iha Timor-Leste (TL) hamutuk pursentu 45,2 (45,2%) simu vasina doze dahuluk no pursentu 16,9 (16,9%) kompleta ona vasina doze daruak.

“Husi númeru ida ne'e, Timor konsege vasina sidadaun iha Timor laran tomak ne'ebé ohin (16/08) atinje primeira doze ho vasina 45,2 pursentu no segunda doze 127,1769 mill pesoál, koresponde 16,9 pursentu”, informa Primeiru Ministru, Taur Matan Ruak, iha salaun MNEK, Praia dos Coqueiros, segunda (16/08).

Prosesu vasinasaun iha Munisípiu Dili, atinje pursentu 70,7 (70,7%) mak simu ona vasina iha doze dahuluk, no doze daruak iha pursentu 49,1 (49,1), enkuantu iha Munisípiu Covalima ho pursentu 59,9 (59,9%), no Vikeké atinje pursentu 54,3 (54,3%).

“Ha'u hakarak aproveita oportunidade ida ne'e, agradese ba profisionál saúde liliu Dili nian ne'ebé lidera husi doutór Agostinho, halo serbisu di'ak loos, fó ezemplu ba munisípiu sira hotu. Forma di'ak atu evita Covid alastra mak avansa ho vasina maka'as”, dehan PM Taur.

Haree ba rezultadu vasina ne’e fiar katak, iha fulan ikus tinan 2021, populasaun sira hotu bele ona kompleta vasina ho pursentu 80 (80%), nune'e lori fila Timor-Leste ba situasaun normalidade.

“Ho apoiu sira ne'e, ha'u iha serteza katak até fin do ano sé la'ós sein pursentu (sein-pursentu) vasinasaun maka ami atinje pelumenus 80 pursentu (80%) populasaun hetan vasinasaun, para que bele ajuda timor, filafali ba normalidade”, deklara nia.

Vasina ne’ebé Timor-Leste simu durante ne’e, mai husi doasaun nasaun amigu sira ho totál vasina hamutuk rihun 982.380, ne'ebé apoiu husi Covax fó rihun 1.800, Nova Zelándia rihun-24, Xina rihun-100, Austrália rihun-577.580, Portugal rihun-12, no apoiu vasina husi Japaun hamutuk rihu-168. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter