“Husi intervensaun ne'e ami konsege 66 mill dolares Amérikanu, husi kompaña sira ne'ebé la kumpri sira-nia kontratu, iha intervensaun ida ne'ebé hetan haruka hadi’a kedas, sira ne'ebé iha tenta atu inventa sasán ne'e mak iha kompaña haat, Kompaña ne'e mak akumula 66 mill ne'ebé ita haruka fila ba Kofre Estadu no balun ami haruka sira hadi’a kedas iha munisípiu sira ne'e no ami trava buat ne'ebé mak lalos”, dehan Luis Sampãio iha salaun FONGTIL, Kaikoli, segunda (16/08).

Tanba servisu ida ne'e kada ministériu relevante hodi tau pesoál ida atu sai fiskalizadór iha distribuisaun programa Sesta bázika ne'e ba komunidade sira infelismente kada Ministériu sira la aplika ida ne'e maibé prezensa Komisaun Anti Korrupsaun konsege hadi’a sistema sira ne'e.

Diretór Ezekutivu Forum Organizasaun Naun Governametál Timor-Leste (FONGTIL), Daniel do Carmo hatete, liuhusi auditóriu ba programa Sesta bázika konsege deskobre erru rua mak pakote iha norte nia kualidade inklui mós presu sasán ne'ebé la tuir estandarte merkadu nian.

“Husi ita-nia Monitoring ne'e mak iha deskobre buat prinsipál rua deskobrimentu ida mak pakote ne'e pakote sasán iha bote ne'e iha nia kualidade no kuantidade ne'e la hanesan tanba sasán sira ne'e sira tau tiha iha pakote mais la sira ne'e nia todan ne'e nia kilograma, ne'e kilogramna ida duni ka la’e, masin midar ne'e kilograma ida duni ka la’e ne'e laiha depois segundu mak presu ne'e, tuir lei aprovizionamentu ne'e mundu kompaña manán projetu ida nia lukru pursentu 10 de'it mais se por ezemplu pastadente ne'e iha merkadu 50 sentavu mais tama iha pakote Sesta bázika ne'e 1.50 sentavu”, informa nia.

Governu Timor-Leste kria polítika programa Sesta Bázika atu responde ba povu nia hamlaha tanba tempu pandemia Covid-19 Governu aplika Serka Sanitaria no Komfinamentu Obrigatóriu ba sidadaun iha Timor-Leste. (*)