Login to your account

Username *
Password *
Remember Me

Baukau Kontinua iha Faze Dezenvolvimentu

Autoriedade Lokál sira iha husu hela perguntas ba Prezidente Repúblika (PR) Francisco Guterres Lú Olo iha diálogu aberta entre PR Lú Olo ho povu munisípiu Baukau. Kinta (17/12) Autoriedade Lokál sira iha husu hela perguntas ba Prezidente Repúblika (PR) Francisco Guterres Lú Olo iha diálogu aberta entre PR Lú Olo ho povu munisípiu Baukau. Kinta (17/12) Foto Tempo Timor

Tempotimor (Baukau)- Prezidente Autoridade Munisípiu Baukau António Augusto Guterres informa ba Prezidente Repúblika (PR) Francisco Guterres Lú Olo katak, Baukau oras ne’e kontinua iha faze dezenvolvimentu.

António Augusto Guterres hateten, kontente ho Prezidente Repúblika ne’ebé ho espoza rona diretamente preokupasaun povu Munisipiu Baukau nian, nune’e, hamutuk Baukau ida ba Baukau oan tomak.

“Administrativamente Baukau iha postu administrativu 6, suku 59, Adeia 281 ne’ebé ho total populasaun tuir fixa familia ne’ebé rekolla iha tinan ida ne’e, 184.489 kompostu husi mane 93.279 no feto 91.220 ho total uma-ka’in 34.671,” António hateten iha diálogu ho PR Lú Olo iha resintu Administrasaun munisipal Baukau, Kinta (17/12).

Prezidente autoridade ne’e mós dehan, eskola sira ne’ebé estabelese iha Munisípiu Baukau hamutuk 229.

“Totál eskola ne’ebé eziste iha Munisípiu Baukau, hahú husi pre-eskolar to’o Sekundáriu jerál no tekniku vokasionál hamutuk 229,” nia dehan.

Alende ne’e, nia dehan, postu saúde ne’ebé estabelese ona iha munisípiu Baukau hamutuk 28.

“Postu saúde iha Baukau hamutuk 28, sentru saúde 9 ho nia atividade sira ne’ebé hala’o radikalmente ba prgrama siska iha 60,” nia tenik.

Nia esplika, irrigasaun ne’ebé tékniku liu iha Baukau iha rua, hanesan irigasaun Aitula fornese bee ba natar hektar 347, ne’ebé koletiva ona 307 no nia benefisiáriu iha uma-ka’in 160.

Alende ne’e irigasaun Vemasse fornese bee ba natar hektar 415 ne’ebé halo ona koletiva ba 280 kektare no nia benefisiáriu haumtuk 213 uma-ka’in.

“Poténsia natar iha munisípiu Baukau 14.422, kompostu husi postu Baguia iha 643 hektares, Baukau vila 5.184, Laga 2.264, Kelikai 902, Vemase 2.422 no postu Venilale 2.293 hektares,” nia dehan.
Alende ne’e, poténsia to’os iha Baukau iha 16.000, iha postu Baguia iha 3.347 hektares, Baukau vila 3.016, Laga 2.372, Kelikai 3.016, Vemase 1.325 no postu Venilale 2.902 hektares.

António afirma, estrada rurál, povu asesu diretamente ho signifikante ba sentru populasaun iha área rural ligasaun husi nivel suku ne’ebé konsege ona reabilitasaun hamutuk 165.8 kilometru reabilitasaun ka 37%.

Sistema fornesimentu bee-moos ho númeru uma-ka’in ne’ebé asesu 5.698, depois servisu ne’ebé seidauk deskonsentra mai munisípiu Baukau mak kona-ba liña eletrisidade, maibé iha dadus ne’ebé atualiza administrasaun munisípiu ne’ebé konsege rekolla katak 71% mak komunidade atinje, entaun husi 281 aldeia ne’e iha aldei 226 mak asesuona, maibé aldeia ne’ebé seidauk asesu hela de’it 55 aldeia.

Molok remata, Prezidente Autoriedade Munisípiu Baukau mós aprezenta planu estratéjiku munisipál husi tinan 2019 to’o 2023, depois husi 2023 to’o 2030.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter