Estudante Baukau Oan Fila Husi Indonezia Ba Liu Uma

Eis Ospital Baukau prepara ona sai Fatin ba Kuarentena ba Baukau oan sira Eis Ospital Baukau prepara ona sai Fatin ba Kuarentena ba Baukau oan sira Foto suplai

Tempotimor (Dili) - Estudante Baukau-oan nain rua, fila husi Indonezia ba liu sira nia uma maibe oras ne’e daudaun tama iha autó kuarentena hafoin fila husi Indonézia, depois mosu surtu Coronavirus Disease 2019 (Covid-19).

Diretór Servisu Saúde Munisípiu Baukau, Leonel Guterres hateten, estudante mane na’in rua husi Munisípiu Baukau ne'ebé mai husi Indonézia iha loron 8 Marsu 2020, sira na’in rua hala'o auto kuarentena iha uma hodi pesoál saúde sira halo observasaun, nune’e to’o 23 Abríl kompleta ona loron 14.

"Estudante na’in rua ne'e mai iha loron 8 fulan-Marsu, maibé la mai aprezenta-aan, kebetulan kolega sira ne'ebé mai ikus tama auto kuarentena simu sertifikadu maka sira na’in rua foin mai aprezenta-aan mak ami aumenta tan sira na’in rua ba loron 14 ne’ebé aban sira na’in rua hotu ona", dehan nia, via telefone, Kuarta (22/4).

Diretór ne'e esplika, estudante mane na’in rua ne'e mai Timor-Leste seidauk implementa kuarentena, entaun depois sira mai liu tiha mak hafoin hamosu kuarentena. Tanba ne'e, hatama fali sira na’in rua iha auto kuarentena iha loron 9 fulan-Abríl hodi kumpre loron 14 iha kuarentena.

Alende ne'e, nia dehan, iha estudante na'in tolu kompostu feto ida no mane rua, mai husi Indonézia ba liu iha Postu Aministrativu Baguia, entaun parte saúde sira hetan informasaun no ba halo kedas kontrola direta sira iha Baguia no sira daudaun ho kondisaun estavel hotu. (*)

 

Rate this item
(0 votes)
Last modified on Thursday, 23 April 2020 16:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.