Tempotimor (Dili)-Primeiru Ministru (PM) Taur Matan Ruak promete sei esforsu hodi apoiu seguransa ba jornalista sira, maibé nia husu mos ba média-nain no diretór tenke kontribui ba jornalista sira-nia seguransa.

Tempitimor (Dili)-Bainhira Parlamentu Nasionál aseita Prezidente Repúblika deklara estadu emerjensia, governu sei estabelese Gabinete Jestaun Krize ne'ebé lidera direita husi Primeiru Ministru.

Tempotimor (Dili)-Atu rezolve lalais situasaun emerjensia ne'ebé mosu, governu harii ona ekipa taks force ida ne'ebé kompostu husi Ministeriu Planu Investimentu (MPI), Ministeriu Obras Publikas (MOP), Ministériu Finansas, no Ministériu Transporte no Komunikasaun.

Tempotimor (Dili) - Governu halo ona prepasaun másimu inklui hasai rezolusaun balun hodi evita tranzmisaun Virus Corona tama mai Timor-Leste.

Tempotimor (Dili)-Konsellu Ministru (KM) liu husi ninia reuniaun aprova rezolusaun ne'ebé prevee orsamentu ho montante millaun $1.5 hodi evakua estudante Timor-oan iha Xina. Orsmentu ne'e balun sei uza mós ba sosa material deteta Virus Corona.

Tempotimor (Dili) – Primeiru Ministru (PM) Taur Matan Ruak, orienta ona Ministra Finansas (MF) interina, Sara Lobo Brites atu tuur hamutuk ho deputadu sira iha Parlamentu Nasionál (PN), relasiona ho Orsamentu Jerál Estadu (OJE) 2020, ne'ebé sa'e ba billaun $1.950.  

Deputadu António Verdial de Sousa husi bankada KHUNTO deklara lia hirak ne'e, Segunda (18/11/19) iha PN.

"Atu ko'alia de'it katak Orsamentu 2020 nian ne'ebé sa'e ba billaun $1.950 ne'e boot teb-tebes. Tanba ne'e, iha tempu badak sei tuur hamutuk. Tanba, exelénsia Primeiru Ministru Taur Matan Ruak bainhira halo sorumutu iha Tibar, fó ona orientasaun máximu ba ita Ministra Finansas interina, hodi haree OJE 2020 hamutuk ho Parlamentu Nasionál," dehan deputadu António.

Nia dehan, orientasaun PM nian ba MF mak atu tuur hamutuk ho Parlamentu Nasionál para haree no hatuur loloos OJE 2020 nian, tuir dalan no estrutura.

"Atu haree ba kestoens sira no hatuur OJE 2020 nian, tuir dalan ne'ebé loos no tuir regras ne'ebé vigora," haktuir Antonio.

Nia esplika, OJE ho billaun $1.950 ne'e merese ka lae atu tau iha 2020 ne'e, liga fali ba kapasidade membru Governu nian atu halo ezekusaun.

Tempotimor (Dili) – Atu haforte liután relasaun entre Estadus Unidus Amérika (UEA) ho Timor-Leste, Diretór Gabinete Asuntu Marítima ba Sudeste Aziatiku, Mark D. Clark vizita Timor-Leste.

Sesta (15/11/19), Mark D. Clark hasoru malu ho Primeiru Ministru Taur Matan Ruak iha Palásiu Governu.  

"Hasoru malu ho Primeru Ministru Taur Matan Ruak, rona mós ideia ne'ebé ko'alia kona-ba asuntu oioin. Maibé, objetivu mak atu hametin liután parseria ne'ebé durante ne'e iha ona, entre EUA ho Timor-Leste," dehan Mark D. Clark ba jornalista hafoin hasoru PM Taur.

Mark afirma, nia diskusaun ho PM Taur pozitivu atu hametin relasaun entre povu ho povu, nomos hametin kooperasaun iha área seguransa, ekonomia no polítika.

"Ami mós hakarak oferese tan oportunidade ba joven sira liuhosi hametin relasaun atu hametin lasus entre ema ho ema ou povu ho povu, entre rai rua ne'e," Mark tenik.

Tempotimor (Aileu) – Komunidade Sarin, Suku Banuhato, Postu Aileu Vila, Munisípiu Aileu rejeita ho planu VIII Governu, atu harii Sidade Universitariu iha suku refere.

Tempotimor (Dili) – Ministru Interiór interinu sei partisipa konferénsia internasional kona-ba terrorizmu nian, ne'ebé sei hala'o iha Austrália.

"Ohin, ha'u mai informa ba Primeiru Ministru (PM) hodi ba partisipa iha konferénsia no semináriu kona-ba "No Money for Terrorism” iha Austrália. Entaun aban lokraik ha'u aranka ba Austrália iha ámbitu Ministru Interiór (MI) nian," dehan Ministru Interiór interinu, Filomeno da Paixão de Jesus iha Palásiu Governu, Segunda (04/11/19).

Nia dehan, iha konferénsia ne'e nu'udar Ministru Interiór nia la ko'alia buat ida. Maibé, nia ba hola parte hodi rona saida mak sei ko'alia iha konferénsia ne'e.

"Ita ba iha ne'ebá la ko'alia buat ida. Ita hetan konvite atu ba hola parte iha konferénsia ne'ebé ko'alia kona-ba terrorizmu," Filomeno dehan.

Tuir nia, Timor-Leste presiza hola parte iha konferénsia ne'e, hodi nune'e bele hanoin mós ba situasaun seguransa iha rai laran.

“Liuliu kona-ba terrorizmu nian ne'e oinsá. Iha nivel hira ona, aas ona ka, médiu ka baixu," nia dehan.