PM sei Lidera Gabinete Jestaun Krize Durante Estadu Emerjensia

Primeiru Ministru Taur Matan Ruak ho Ministra Saude iha plenaria Parlamentu Nasional (26/3) Primeiru Ministru Taur Matan Ruak ho Ministra Saude iha plenaria Parlamentu Nasional (26/3) Foto Suplai

Tempitimor (Dili)-Bainhira Parlamentu Nasionál aseita Prezidente Repúblika deklara estadu emerjensia, governu sei estabelese Gabinete Jestaun Krize ne'ebé lidera direita husi Primeiru Ministru.

PM Taur deklara durante sesaun debate ba estadu emerjensia katak, gabinete ne'e presiza lidera husi lideransa ne'ebé forte atu orgaun hotu-hotu bele kumpre.

"Uma fez deklara ona estadu emerjensia ne'e ita tau funsionamentu gabinete jestaun krize entaun gabinete jestaun krize Primeiru Ministru mak lidera," dehan Xefe Governu ne'e iha PN, Kinta (26/03).

PM Taur dehan, bainhira hala'o sorumutu ho ekipa ne'ebé lidera husi eis Ministru Saúde Sergio Lobo, avalia no rekomenda katak presiza iha lideransa ne'ebé forte no komunikasaun ne'ebé di'ak nune'e hotuhotu kumpri orden.

"Inportante, presiza lideransa no komunisaun, oinsa mak orden sai hotu-hotu kumpri. Povu tenke hatene risku to'o iha ne'ebé, iha ne'ebé mak lae, hanusa mak lae, halo nusa mak nia bom komportamentu iha momentu sira hanesan ne'e, naturalmente ita tenke reforsa ida ne'e," dehan Taur.

Eis Jeneral ne'e dehan dadaun ne'e Guvernu iha komisaun entre lina ministerial no komisaun teknika ida ne'ebé halo perparativus ba prevensaun Covid-19.

Entertantu pedidu estadu emergensia husi Prezidenti Repúblika sei aplika ba teritoriu nasional durante fulan ida (loron 30) nia laran, sura husi loron 26 Marsu oras 00:00 to'o 24 Abril 2020.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com