"Ohin Ministériu Defeza hamutuk ho Primeiru Ministru (PM) altera ona nomeasaun balun iha F-FDTL nia laran, proposta ne'e atu halo nomasaun foun, ba Xefe Estadu-Maiór Forsas Armadas (XEMFA), Brigadeiru Jeneral Coliate. Alterasaun ne’e halo mudansa hodi troka XEMFA anteriór, hodi troka foun”, deklara Ministru Prezidensia Konsellu Ministru (MPKM), Fidelis Leite Magalhães, iha palásiu Governu, kuarta (01/12).
Razaun Ezonera Estadu-Maiór Forsas Armadas (KEMFA), Brigadeiru Jeneral Coliate ne'e medida ida ne'ebé mak kontribui atu F-FDTL ne'e, tanba ne'e importante iha koñesimentu ba área hothotu iha forsa Armada.
"Di'ak liu mak iha mudansa sira hafoin kargu ruma tanba kaer ona tinan barak, tanba ne'e mak muda fali ba kargu sira seluk ida ne'e faz parte iha kareira militár”, nia esplika.
Kona-ba deliberasaun ezonera Xefe Estadu-Maiór Forsas Armadas (KEMFA), Brigadeiru Jeneral Coliate hamutuk komandante komponente F-FDTL ne'e sei aprezenta ba Prezidente Repúblika ne'ebé nia kna’ar mós hanesan Xefe Supremu Formas Armada nian.
"Ezonerasaun no nomeasaun ne'e sei hato'o ba Prezidente Repúblika hanesan komandante Supremu ne'ebé Governu propoin naran sira ba eselénsia Prezidente Repúblika atu halo desizaun”, afirma nia.
Deliberasaun kona-ba Ezonerasaun ba Xefe Estadu-Maiór Forsas Armadas (KEMFA), Brigadeiru Jeneral Coliate hamutuk ho komandante komponente F-FDTL ne'e aprezenta husi Primeiru Ministru (PM), Taur Matan Ruak ho Ministru Defeza (MD), Filomeno Paixão ba Konsellu Ministru. (*)