Tanba iha loron segunda (27/09) ne'e, maizumenus tuku 08:00 dadeersan, kadetes foun sira ne'e aprezenta-an ona ba Komandu Falintil-FDTL, liuhusi l komisaun rekrutamentu 2021 nian, iha kuartel jenerál Fatuhada, Dili.
Kadetes foun na'in-600 ne'e, kompostu husi mane na'in-539, no feto hamutuk na'in-61, ne'ebé mai husi rejíme espesiál no jerál, no oras ne'e prepara-an ona hodi inkorpora ba formasaun militár iha Metinaru, durante fulan 6.
Tuir observasaun www.tempotimor.com iha terrenu nota, kadetes foun sira oras ne’e, halo ona formatura iha kuartel jenerál Fatuhada, hodi rona diskursu husi Xefe Estadu Maior das Falintil, Tenente Jenerál Lere Anan Timur, hafoin transporta ba formasaun militár iha CFT, Metinaro. (*)