Operasaun ne'e halo hodi identifika sidadaun sira ne'ebé utiliza vistu turista hodi halo servisu iha Timor-Leste.
Diretor Jeral SM, Superintendente Agostinho Gomes hateten, SM sei aplika sasaun rigorozu ba sidadaun estranjeiru ne'ebé viola vistu.
"Sidadaun estranjeiru sira sei tensaun, tanba ita sei aplika medida apastamentu ne'ebé rigorozu," dehan nia, iha knaar fatin, Villa-Verde, Segunda (13/1).
Medida forte maka apastamentu ka abandona voluntariamente hodi haruka sai husi Timor-Leste, liu tinan lima maka bele tama fali mai.
Aleinde ne'e, bainhir iha infrasaun maka sei sei aplika koima tanba uza vistu turista halo servisu.
Atu identifika ema estranjeiru sira viola vistu, Servisu Migrasaun husu atu entidade hotu atu kolabora hamutuk hodi kombate kazu ne'e. (*)