"EDTL ho BTL ne'e, agora hanesan labarik karik foin mak tenta atu dolar, ne'ebé hau kompriende ba ema barak nia ejizénsia, maibé ita tenke fo tempu ba sira, para oinsá mai ho planu realístiku, para bele kore-an husi dependénsia totál ne'e”, dehan Abel iha Parlamentu Nasionál, kuarta (17/11).
Tanba EDTL ho BTL agora dadauk sei dependénsia totalmente ba orsamentu jerál estadu, inklui ho osan impréstimu balun ne'ebé mak sei fó todan ba Estadu.
"Maibé ita tenke fó tempu ba sira para oinsá tinan rua ka tolu ne'e sira bele halo balansu ne'e sai pozitivu”, esplika nia.
Maske lamentasaun barak mak mosu tanba prezidente ho ekipa EDTL ho BTL ne'e hetan saláriu ne'ebé boot liu fali prezidente repúblika, maibé presiza hanoin tanba sira mós implementa orsamentu ne'ebé boot.
"E montante mak parese ita sei debate mais sei hetan remunerasaun ne'ebé bo'ot, mais dalaruma ita tenke haree boot liu fali Prezidente Repúblika mós parese ladun razuavél”, hatete nia. (*)