Tuir informasaun ne’ebé www.tempotimor.com, asesu husi mídia PN, sesta (22/09/2023) katak, objetivu husi fiskalizasaun ne’e atu haree besik servisu sira iha postu saúde, sentru saúde no ospital referénsia munisípiu Bobonaro.
Atividade fiskalizasaun ne’e hahú husi Postu Saúde Rairobo, kontinua ba Sentru Saúde Atabae, fatin izolamentu iha fronteira Mota-ain no Klínika, Postu Saúde Balibó no iha parte loraik halo reuniaun ho Prezidente Autoridade Munisípiu Bobonaro ho Diretór sira husi reprezentante ministériu, no kontinua kedas ba Ospitál Referénsia Maliana hodi haree edifísiu foun ne’ebé hari’i husi fundu COVID-19.
Nune’e, Deputadu sira Komisaun F kontinua halo vizita ba Komandu Polísia Munisípiu Bobonaro hodi haree Uma mahon, no kontinua SAMES Munisípiu Bobonaro nian hodi haree diretamente ai-moruk iha armajén no vizita mós armajén Ministério Solidariedade Sosiál (MSSI) no Postu Saúde Manapa no termina fiskalizasaun ne’e iha Sentru Saúde Kailaku.
Husi rezultadu fiskalizasaun refere, Komisaun F iha ona referénsia barak hodi bele aprezenta no diskute ho Governu iha Orsamentu Jerál Estadu 2024 nian. (*)