Ekipa Advogadu Hatama Ona Petisaun CNRT Kontra PR Lú-Olo ba TR
Tempotimor (Dili)-Asaun ne'ebé prezidente partidu Kongresu Nasionál Rekonstrusaun Timorense (CNRT) ho nia aliadu sira foti hodi kontra desizaun Prezidente Repúblika (PR) nian, advogadu privadu AMP foun Manuel Tilman entrega ona ba Tribunal Rekursu.
"Iha demokrásia hotu-hotu tenke kumpri lei, entaun ami mai iha ne'e tanba Prezidente Repúblika promete kumpri lei, maibé aktu PR nian seidauk responde ba Konstitusaun RDTL," dehan advogadu privadu AMP foun nian Manuel Tilman iha edifísiu TR, hafoin entrega petisaun ba meza Tribunal Rekursu, Tersa (05/05)
Nia mós dehan, Prezidente Repúblika kontra mós artigu 86 alinea F kona-ba dissolve Parlamentu Nasionál (PN).
VIDEO PUBLISIDADE APELU HUSI PM TAUR APLAUS BA FRONT LINE
"Bainhira Orsamentu Jerál Estadu (OJE) la pasa iha PN liu ona loron 60, maibé PR la halo ida ne'e," dehan Tilman
Tuir Observasaun tempotimor.com iha terenu nota katak, to'o ona tuku 9:00, maibé jurista Manuel Tilman nu'udar advogadu privadu AMP foun seidauk to'o iha TR, maske antes ne'e deklara katak petisaun hasoru PR sei entrega ba Tribunal Rekursu iha tuku 9:00 pontuál.
Entretantu ekipa advogadu lori petisaun husi AMP foun nian to'o iha resintu Tribunal Rekursu iha tuku 9:23 OTL no kontinua kedas entrega dokumentus lubun bo'ot ba parte Tribunal Rekursu iha 9:25 OTL.
Iha sesaun aprezentasaun petisaun ne'e, aprezenta direta husi advogadu privadu AMP foun Manuel Tilman no Miguel Acácio Faria no akompaña husi primeiru adjuntu Sekretariu Jerál Partidu CNRT, Jacinto Rigoberto Gomes de Deus, inklui kuadru balun husi CNRT no nia aliadu balun.
PUBLISIDADE
Tempo Timor
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.comRelated items
in English
Popular
.