“Atu hatete de'it hanesan ne'e katak saida mak Deputada Olinda ohin foti ne'e ha'u haruka hotu ona ba Ministériu Obras Públika agora kompetensia ne'e iha MOP la'ós ha'u. Ha'u mai sira fó ha'u hato'o de'it ba iha ne'ebá e informa tiha hotu ona ba ne'ebá, kona-ba kondisaun estrada husi Dili-Natarbora ba Vikeké”, dehan nia iha Parlamentu Nasionál, tersa (28/06).
Tanba kestaun estrada ne'ebé mak deputada levanta iha plenária ne'e MAPKOMS rejista depoi hato'o hela ba Ministériu, atubele fó resposta kona-ba servisu ida-ne'e maibé la’ós MAPKOMS.
“Ha'u-nia servisu mak ne'e, ha’u fó hatene ona, agora se mak atu rezolve problema ne'e, Ministériu Obras Públika, mais to'o agora ha'u hato'o ona ba MOP e ha’u hein resposta”, esplika nia.
Normalmente prosesu até fali resposta ne'e husi ministériu haree nonanaliza depois resposta tanba sira-nia parte sempre fó resposta mai nafatin iha deputadu sira.
“Tanba ne'e mak dalaruma resposta mai deputadu sira hanoin katak ladún loos, sira kestiona fali, maibé buat ne'ebé realidade mak sira hato'o mai entaun ida-idak ho ninia razaun no informasaun ne'ebé mak ho dadus, Governu sempre fo mai ho dadus”, afirma nia. (*)