“Iha semana passada e ohin ha'u husu tan, relasiona ho kompaña hitu ne'ebé mak Governu fó kontrtatu ba sira atu fornese fós hamutuk rihun-lima (5000) tonelada ne'e, até a data seidauk fornese fós ba armajen ne'e tanba saida”, dehan nia iha plenária PN, tersa (14/06).
Ba preokupasaun ida ne'e, Bankada KHUNTO rasik levanta ona iha semana kotuk no agora mós levanta tan, maibe lá hetan resposta husi Governu ba asuntu ida-ne'e.
Prezidente PN, Aniceto Longinhos Guterres Lopes hatete, nia parte mós simu informasaun kona-ba preokupasaun iha armajen Dili ho Tibar ne'ebé agora dadauk laiha fós.
“Sim horisehik ha'u simu informasaun señor ministru, armajen ita-nian ne'e kuaze manuk, armajen Dili ho Tibar sira ne'e dehan bee sasán fós laiha, ita derepende krize bencana alam ruma derepende mosu karik halo nusa, ne'e lahatene”, afirma nia. (*)
