“Hahú kedas iha fulan-dezembru agora, sei implementa programa ida ne'e, katak família ida sei simu to'o ate $200 dolar”, dehan Lú Olo iha komísiu kampaña segundu volta ba loron daruak iha Suai-Covalima, domingu (03/04).

Tanba Primeiru Ministru, Taur Matan Ruak, rasik aseita ona proposta ida ne'ebé mak kandidatu Lú Olo hato'o nia liuhusi komísiu kampaña segundu volta ba loron dahuluk iha Gleno, no ida ne'e sei implementa bainhira nia eleitu sai Prezidente Repúblika iha segundu volta.

Durante iha komisiu kampañaz Lú Olo deside ko'alia asuntu ne'e ho Taur Matan Ruak nu’udar Xefe Governu tanba durante ne'e haree kada tinan, Governu halo de'it mak dekretu lei atu fó osan désimu terseiru ba funsionáriu kada fulan-dezembru, tanba ne’e halo mós ba kada famíulia.

Primeiru Ministru, Taur Matan Ruak, hatán kedas proposta ida ne'e, nia hatete, nia rasik aseita proposta ida ne'e, siknifika katak sé Prezidente Repúblika eleitu agora mak hahú kedas iha fulan-dezembru tinan 2022, sei implementa programa ida ne'e.

Tanba povu Timor-Leste ne'e, família hamutuk rihun-atustolu-resin de'it, entaun kada família ida iha mós diretu simu osan kada fulan-dezembru nia laran.

Ho ida ne'e, Lú Olo hakarak klarifika, sira-nia parte seidauk halo kompromisu falsu, tanba iha sira-nia moris buat ne'ebé mak promete ba povu, tanba sira hakarak duni atu kumpre durante nia mandatu.

"Ha'u hakarak atu hatete ba Suai ho Covalimaoan sira, ami nunka halo promesa falsu ida, iha ami-nia vida ami lahatene halo promesa falsu ida, ami kuandu hatete ona, ehh porque ami hakarak atu kumpre”, afirma nia.

Kandidatu Prezidente Repúblika sei halo ida ne'e, Governu sei halo dekretu lei, no husi dukretu lei ne'e mak sei tau iha Orsamentu atubele halo ida ne'e. (*)