Ministru Obras Públika, Samuel Marçal hatete, hafoin governu anterior asina kontratu no lansa iha loron 01 fulan-Juñu 2023, deteta dezenu anteriór ne'e sai obstákulu boot ba obra refere atu la’o, tanba estrada ho nia luan metru 23.41 no naruk kilómetru 4,91, ne’ebe afeta ba komunidade inklui komunidade rai no uma privadu.
“Hafoin halo verifikasaun, estrada paket rua, hau sei filafali marka reuniaun, atu fahe paket, paket ida toma konta atu haree ba estrada nasionál no paket ida sei haree kona-ba estrada urbana nian”, informa Ministru Samuel, Maliana, segunda (28/08/2023).
Kompaña PT. Hutama Karya ne’ebé sei kontrui obra ne’e ho durasaun kontratu fulan sanulu-resin-ualu (18) ho montante kontratu millaun 21 ($21,228,762.00).
Husi verifikasaun no observasaun ne’e, hatudu montante kontratu ne’e sei la menus maibé aumenta volume servisu husi distánsia ne’ebé mensiona nomós kobre estrada urbana Maliana. (*)
