"Kazu detetatu ne’ebé relata ohin, 11 Outubru 2021 na'in-2 (iha Baucau 1 ho RAEOA 1) no kazu ativu 208", dehan nia liuhusi komunikadu imprensa, segunda (11/10).
Husi totál kazu detetadu foun feto na'in-2, ho idade entre tinan 12-59 na'in-2, kazu rekuperadu 16 no totál kazu konfirmadu kumulativu iha 11 Outubru 2021 (sura husi 21 Marsu 2020) hamutuk 19.675.
Hahú husi loron 10 to’o 11 outubru, hamutuk hotu Laboratóriu Nasionál Saúde (LNS) halo 10 testes PCR iha Dili, ho detalla hanesan Vijilánsia sentinela 0,Rastreiu ba kontaktu (Contact tracing) 0, Rastreiu Aleatóriu (Random Screening) 7, Viajen internasionál 2 no follow up iha kuarentena 1.
Rezultadu testes PCR ne’ebé halo iha 10 fulan-outubru, munisípiu sira seluk REAOA ho HNGV, hamutuk 126 ho detalla hanesan Baukau 50, Ermera 0, Bobonaro-Maliana 3, Ainaro-Maubisse 2, RAEOA 7, Covalima-Suai 4, Vikeké 2, Lautein-Lospalos 4 no HNGV 54. (*)
