Tempotimor (Dili)-Maioria deputadu iha Parlamentu Nasionál (PN) aprova atu governu foti halo levantamentu osan millaun $250 husi fundu petroliferu, enkuantu orsamentu adisional ho montante millaun $150 la pasa.
Iha governu nia proposta ba PN, governu husu atu halo levantamentu osan hamutuk millaun $400, kompostu husi millaun $250 uza hodi atende ba kestaun prevensaun Covid-19 no rezolve problema inundasaun, no millaun $150 preve nu'udar orsamentu adisional.
Liu husi votasaun espesialidade, deputadu na'in 65 konkorda atu governu foti de'it millaun $250. Enkuantu ba millaun $150, deputadu 33 deside kontra, na'in 31 a avor, no na'in ida abstein.