“Aproveita oportunidade ida-ne’e, ha’u hakarak informa ba ita hotu katak, Estadu Timor-Leste lakon $1,6 billaun husi retornu investimentu Fundu Petrolíferu no halo konke ita-nia balansu fundu ate 31 de maiu 2022 tun ba $18,3 billaun husi $19,1 billaun iha fim de Marsu 2022”, dehan nia iha abertura ba atividade Jornada Orsamentu 2023 iha Ministériu Finansas, Aitarak laran, kinta (30/06).
Ba orsamentu lakon akontese tanba implikasaun husi inflasaun globál iha nasaun boot sira hanesan Amérika no Europa, ne’ebé obriga Banku Sentrál nasaun boot hirak ne’e hasa’e taxa de juros no halo merkadu finanseiru monu.
Ho situasaun ne’ebé labele kontrola, tanba ne’e labele kontinua dependénsia ba fundu petrolíferu tinan naruk nia laran.
“Ita labele kontinua depende ba Fundu Petrolíferu, liliu ba longo prazo. Prinsipísiu fiskál sei sai realidade iha tinan sanulu oin mai, a não ser que ita dezenvolve fonte reseita alternativu sira seluk”, afirma nia.
Tanba tempu ona hahú diversifika ba produsaun sira iha rai laran hodi relizente no sustentavel.
“Ho volatilidade presu iha merkadu finanseiru atuál, mak tempu to’o ona atu ita hahú diversifika ita-nia produsaun, hari’i ekonomia ida ne’ebé mak mais reziliente no sustentavel, hodi hasoru xokes interna no esterna, hanesan pandemia, dezastre naturál, krize polítika”, akresenta nia.
Bainhira atu konkretiza mehi ida-ne’e, Governu tenke hahú investe iha setór sosiál hanesan Saúde no Nutrisaun, Edukasaun, Abitasaun, Bee no Saneamento, Protesaun Sosiál, no seluk tan. (*)