Prezidente Komisaun C, Maria Angelica Rangel hatete, reuniaun ne’ebé ho Banku Mundiál, hodi aprezenta ketaun fundu monitária ka kestaun Fundu petroleum ne’ebé foti durante ne’e.
“Ha’u hanoin ko’alia kona-ba fundu ohin importante ne’ebé mak ami sita mak lei reforma fiskál ne’ebé mak lei tributária atu regula taxa sira ne’e nomós lei investimentu balun atubele hadi’a ba kualidade servisu nian iha Timor kona-ba investimentu nomós bele hetan reseita alternativu ne’ebé mak ita la bele depende de’it ba fundu petroleu hatama reseita ne’ebé mak ita foti durante ne’e hodi sustena Estadu ninia mákina mak mai husi fundu petroleu”, dehan Maria Angelica Rangel, iha Parlamentu Nasionál, kinta, (23/06).
Husu Komisaun C nia analiza katak, Namku Mundiál sira fo hanoin ba Timor-Leste atu nune’e Parlamentu no Governu halo levantamentu iha fundu petroleu ne’e ho kuidadu, depois iha nia sustentabilidade ba futuru.
“Maibé iha diskusaun ne’e diskusaun tékniku mak barak no ami komisaun mós sai hanesan parseiru sira-nian e ami sempre fó apoiu malu entermus téknika atu hadi’a sistema hanesan leis, lei tributária, lei investimentu e sira sempre fó apoiu ba ami”, afirma nia.
Tanba ne’e, sempre fó hanoin ba Estadu Timor-Leste atu uza osan ho kuidadu tanba dependénsia ba fundu petroleu, maibé tenke buka alternativu seluk hodi bele sustenta nasaun.
“Ita-nia fundu sempre publika hanesan ita-boot sira hatene katak ita-nia fundu iha Banku Sentral ita halo investimentu iha ita-nia fundu ne’e mak investe fundu 2 (rua) hanesan equit no box ita hotu hatene nia saldu sira sempre publika husi banku sentrál, sempre muda iha minutu tanba ita halo investimentu mós iha asaun ne’ebé importante”, hatete nia.
Banku Mundiál mós fó hanoin ba Parlamentu Nasionál atu hamutuk ho Governu kuidadu tuir lei hodi uza fundu petroleum tanba durante ne’e foti liuhusi rendimentu sustentavel.
“Ita tenke halo kuidadu tanba sira-nia opiniaun katak la bele foti billaun ida mais ida-ne’e tenke haree ita mós halo diskusaun naruk tanba durante independénsia tinan 20 ona ita mai husi zero mak to’o agora”, dehan nia.
Maibé relatóriu Komisaun Cmos asesu husi portál transparánsia, Ministériu Finansas rasik seidauk fó tanba tuir lei sira tenke fó tuir trimestralmente fulan tolu-tolu ba Parlamentu Nasionál trimestre dahuluk no trimestre daruak, maibé agora seidauk simu trimestre daruak nian. (*)