Tuir informaasaun ne’ebé www.temotimor.com asesu iha pájina Ministériu Finansas, kinta (02/06) katak, katak iha loron 2 to’o 8 Juñu, Parlamentu Nasionál diskute no aprova Lei das Grandes Opções do Plano nian.

Nune’e iha loron 10 Juñu, Governu halo enkontru ho Timor-Leste Development Partners Meeting (TLDPM), no iha 30 Juñu, hahú Jornada Orsamentál.

Ba loron 15 fulan-Jullu Konsellu Ministrus (KM) aprova Tetu Desagregasaun Orsamentu no loron 20 Jullu, Ministériu Finansas (MF) fó sai sirkulár preparasaun OJE 2023 no Distribuisaun Tetu Desagregadu

Iha loron 17 Agostu, Konsellu Ministrus aprova alokasaun orsamentu tuir Programa, iha 15 Setembru Konsellu Ministrus aprova Proposta Lei OJE 2023, no loron 01 Outubru Governu aprezenta Proposta Lei OJE 2023 ba Parlamentu Nasionál.

Iha fulan-novembru, Diskusaun Proposta OJE 2023 iha Parlamentu Nasionál komesa la’o ona. No iha 15 Novembru Votasaun Proposta OJE 2023 iha PN, hodi haruka ba Prezidente Repúblika.

Nune’e iha fulan-dezembru tempu ba Prezidente Repúblika promulga Lei OJE 2023, no halo kedan Publikasaun Lei OJE 2023 iha Jornal da Repúblika fulan-Dezembru. (*)