“Ha'u mós informa ba sua eselénsia katak iha notísia di'ak ba Timor-Leste ne'ebé mak husi Prezidente FIFA nia informa mai ha'u katak iha desde Juñu Trofeu Kopa Mundiál ne'ebé mak hothotu gosta no tinan ne'e, Kopa Mundiál halo iha Qatar no trofeu ne'e sei lori mai iha dia 10 de Juñu to'o iha ne'e oras tuku 10 otl, depois hotu tiha fila kedas ba illa ida iha Austrália depois fila ona ba FIFA”, informa Francisco Herónimo hafoin enkontru ho Primeiru Ministru, Taur Matan Ruak, iha Rezidénsia ofisiál Faról, tersa (08/02).

Tanba ne’e, Federasaun Futebol Timor-Leste sei halo preparasaun koordena ho Governu liuhusi Sekretáriu Estadu Juventude no Desportu (SEJD) atu simu trofeu ne’e.

Tuir loloos iha fatin sira ne'ebé ne'e simpres Coca-cola mak kaer halo preparasaun hotu maibé Timor-Leste laiha empreza Coca-cola mak FIFA fó fiar ba Federasaun Futebol Timor-Leste atu organiza hamutuk ho Governu.

“Ne'ebé oportunidade di'ak ida ne'ebé mak iha área ida ne'e ita bele oportunidade atubele asesu ba komunidade sira ne'ebé mak gosta bola bele asiste diretamente antes to'o mai iha ne'e sei tour haleu Dili laran hotu iha nia sei filafali ba FIFA”, dehan nia.

Nune’e mós ba jogu Kopa munidál ne’ebé sei hala’o iha nasaun Qatar Rádiu Televizaun Timor-Leste (RTTL) mak rei responsabiliza hodi fó sai atividade durante jogu kopa Mundiál iha Timor-Leste. (*)