“Ami lubuk oan ida ne'e mai la'ós lori grupu PSHT nia naran, mais ami membru mai lori individualmente, pontu prisipalmente mak agradese sua eselénsia nia tulun durante prosesu reativasaun fali organizasaun Persaudaraan Setia Hati Terati (PSHT) ho organizasaun seluk ne'ebé mak antes ne'e taka tiha ona”, dehan nia hafoin hasoru malu ho PR Lú Olo iha Palasíu Prezidensiál Bairopite, kuarta (23/02).
Tanba Prezidente Repúblika apezar la'ós ezekutivu mais ho nia kna’ar hanesan Xefe Estadu nia tulun tomak nia influénsia, nia rekomendasaun lubuk boot ida reativa hikas atividade Arte Marsiais nian.
“La'ós lori PSHT maibé mai husi Grupu Joven ne'ebé iha potensiál tebes para tau iha nia fatin hanesan deport”, hatutan nia.
Ho prezensa iha Palásiu Prezidensiál atu agradese ba apoiu durante prosesu sira ne’ebé la’o hafoin bele autoriza Grupu Arte Marsiál hala’o atividade filafali.
“Mensajen prinsipal mak ne'e, rai ita hotu nian disiplina, tempu badak ona eleisaun hothotu disiplina, hein katak festa ne'e la'o di'ak liliu tenke iha sidadaun di'ak kontribui ba Estadu nia di'ak”, afrima nia. (*)