“Enkontru ohin ne’e bolu komité desportu eskolar ne’ebé mak lei ogánika hatur katak, ministériu funsiona iha komité ezekutivu ida mak desportu eskolar, ne’ebé Diresaun Jerál Ensinu Asaun Eskolar ho Diretór Munisipál sira mós hola parte iha komité ide ne’e, atu koordena atividade sira kona-ba deportu eskolar”, esplika Sekretáriu Estadu Juventude no Desportu, Abrão Saldanha, iha SEJD, Lesidere, kinta (14/10).
Antes ne'e, reuniaun halo uluk iha tinan 2020, maibé pandemia ne’ebé la konsege halibur malu hodi diskute nia implementasaun.
Tanba ne’e, iha loron 14 outubru konsege halibur malu atu hahú haree ba servisu sira ne'e hodi halo preparasaun no estabelesementu organizasaun desportu eskolar.
“Importánsia atividade fisika e desportu ne’e iha formasaun integral ema ida nian, formasaun karater ema ida nian tanba ne’e mak obrigasaun legal ne’ebé mak iha lei baze de edukasaun hatete, atividade fizika desportu eskolar ne’e faz parte planeamentu kurríkular no okupasaun tempu livre ba labarik sira-nian”, dehan nia.
Diretór Nasionál Ministériu Edukasaun Juventude no Desportu (MEJD), João Manupelo, agradese ba kolaborasaun di’ak konsege halibur malu.
“Agradese ba estrutura tomak, e atividade ne’e ohin ita realiza iha ne’e ami parte tékninku husi MEJD no parte tékniku husi SEJD halo koordenasaun lubuk ida ona, hahú husi ita planu atividade desportu eskolar ne’e, atividade ne’e iha MEJD tanba aliña ho kurríkulu ho estrakurikular ne’ebé ita adopta iha kurríkulu ne’e rasik”, dehan nia.
Tanba adopta atividade importante ne’e atu hasa’e ezerisisu fiziku halo sosializasaun ba labarik sira atu hasa’e prestasaun ba oan, sira maibé iha atividade ho selebrasaun. (*)