Login to your account

Username *
Password *
Remember Me

Tempotimor (Dili)-Membru Polísia Nasionál Timor-Leste (PNTL) no Servisu Migrasaun (SM) hamutuk na’in-26, simu formasaun kona-ba investigasaun tráfiku umanu, ne’ebé promove husi Programa Dezenvolvimentu Polísia Nasionál (TLPDP), iha Sentru Formasaun Polísia, Komoro, Dili.

Tuir informasaun ne’ebé www.tempotimor.com asesu iha pájina Governu Timor-Leste, tersa (09/08) katak, programa formasaun ne’e hala’o husi loron 8 to’o 12 fulan-agostu, kona-ba investigasaun tráfiku umanu.

Ministru Prezidénsia Konsellu Ministrus (MPKM), Fidelis Manuel Leite Magalhães, halo abertura ba eventu ne’e hatete, Governu Konstitusionál Daualu iha kompromisu no empeñu hodi tau hamutuk esforsu sira hotu ne’ebé presiza atu prevene no kombate tráfiku umanu, proteje no apoia vítima sira.

Tanba Programa formasaun kona-ba investigasaun tráfiku umanu ne’e ho objetivu atu fornese ba partisipante sira koñesimentu no kompeténsia nesesáriu hodi hasa’e sira- nia kapasidade iha área prinsipál sira kona-ba investigasaun tráfiku umanu no apoiu ba vítima sira.

Programa ne’e hetan apoiu husi Organizasaun Internasionál ba Migrasaun (OIM), Alfela, Fundasaun ALOLA no husi Embaixada Uniaun Europeia nian.

Iha semana kotuk, liuhusi okaziaun ba komemorasaun Loron Mundiál Kontra Tráfiku Umanu, Governu Timor-Leste, serbisu hamutuk ho OIM, halo lansamentu ofisiál ba Prosedimentu Operasionál Padraun ba Identifikasaun Vítima sira no Mekanizmu Enkamiñamentu hodi kombate kazu tráfiku umanu, ne’ebé fornese mekanizmu lubun ida atu hasa’e kapasidade nasionál kona-ba identifikasaun, protesaun no apoiu ba vítima tráfiku umanu nian iha Timor-Leste.

Governu halo ona inisiativa lubun ida ba matéria ida-ne’e, hanesan preparasaun ba planu nasionál ida kontra tráfiku umanu, reforsu kapasidade institusionál, jestaun fronteira no preparasaun ba Sistema ida ne’ebé Integradu kona-ba Jestaun Informasaun Kriminál nian.

Aleinde ne’e, iha fulan-juñu tinan 2021, kria ona Komisaun Luta Kontra Tráfiku Umanu, ho misaun atu koordena, iha nível nasionál, asaun husi identidade responsavel oioin ba prevensaun no luta kontra tráfiku umanu, nune’e mós atu garante kooperasaun ho entidade estranjeira sira iha matéria ida-ne’e no akompaña aplikasaun ba dispozisaun konvensaun internasionál sira ne’ebé Timor-Leste adere ona.

Nune’e mós iha tinan 2009, Timor-Leste finaliza ona prosesu adezaun ba Konvensaun Nasoins Unidas Kontra Krime Organizadu Transnasionál no Protokolu Adisionál ba konvensaun ida-ne’e, kona-ba prevensaun, represaun no punisaun tráfiku umanu nian, liliu feto no labarik sira.

Tanba instrumentu internasionál ida-ne’e ho objetivu atu prevene no kombate tráfiku umanu, atu proteje no ajuda vítima sira husi tráfiku ne’e, hodi respeita tebes sira-nia direitus umanus no promove kooperasaun entre Estadus Partes atu atinje objetivu sira ne’e.

Iha tinan 2017, Parlamentu Nasionál aprova ona Lei Prevensaun no Luta Kontra Tráfiku Umanu (Lei númeru 3/2017, loron 25 fulan-janeiru), ne’ebé, aleinde medida sira ne’ebé ho objetivu atu prevene no kombate tráfiku umanu, proteje no fó asisténsia ba ninia vítima sira, aprezenta mós alterasaun dahaat ba Kódigu Penál, ho objetivu atu loke tán konseitu krime tráfiku umanu nian, hodi proteje ninia testemuña sira, prevee punibilidade ba ema koletiva no fiksa rejime tanba lakon ninia benefísiu atu afavór ba Estadu. (*)

Tempotimor (Dili)-Ministra Negósiu Estranjeiru no Kooperasaun(MNEK), Adaljiza Albertina X. R. Magno hatete, nia parte simu informasaun katak Timoroan hamutuk na’in-13 dadaun ne’e abandona tan iha nasaun Alemaña.

Tempotimor (Dili)-Jestór Prinsipál Fundasaun Mahein (FM), Abel Amaral hatete, parte Fudasaun Mahein (FM) apresia servisu Polísia Sientifika Investigasaun Kriminál (PSIK), tanba konsege detein arguidu  na’in-tolu inklui sidikatu internasionál ba tráfiku umanu na’in-rua.

Tempotimor (Dili)-Vise Ministru Negósiu Estranjeiru no Kooperasaun (MNEK), Julião da Silva informa, sidadaun timoroan feto na’in-7 ne'ebé efrenta probelma iha Abu Dhabi- Emirados Árabes Unidos dadaun ne’e iha ona Jakarta-Indonézia, semana oin sei hasoru família sira iha Timor-Leste.

Tempotimor (Dili)-Governu Konstitusionál daualu komprometidu no empeñadu hodi halibur esforsu nesesáriu hothotu atu prevene no kombate tráfiku umanu no atu proteje no apoia vítima sira.

Tempotimor (Dili)-Komisaun B Trata Asuntu Negósiu Estranjeiru, Defeza no Seguransa iha loron kinta (30/06) bolu Diretór Nasionál Polésia Sientífika no Investigasaun Kriminál (PSIK), Vicente Fernandes e Brito, atu fahe ideia kona-ba Prevensaun kazu tráfiku umanu ne'ebé mak mosu iha Timor-Leste.

Tempotimor (Dili)-Vise Ministru Negósiu Estranjeiru no Kooperasaun (MNEK), Julião da Silva hatete, nia parte halo ona kalkulu utiliza osamentu ho montnate millaun $2 atubele fasilita viajen lori fila joven na'in-hitu (7) iha Abu Dhabi-Emirados Árabes Unidos.

Tempotimor (Dili)-Polísia Sientifika Investigasaun Kriminál (PSIK) ezekuta Mandadu Detensaun no buska husi Ministériu Públiku (MP) kaptura sidadaun Estranjeiru na’in-rua ne’ebé envolve iha kazu tráfiku umanu hodi fasilita timoroan feto na'in-hitu ho ilegalmente ba servisu iha Nasaun Abu Dhabi- Emirados Árabes Unidos.

Tempotimor (Dili)-Polísia Sientifika Investigasaun Kriminál (PSIK) ezekuta mandadu detensaun no buska husi Ministériu Públiku (MP) hodi kaptura autór na’in-tolu ne’ebé komete kazu tráfiku Umanu, tanba fasilita lori timoroan feto na’in-7, ilegal ba servisu iha nasaun Emirados Árabes Unidos.

Tempotimor (Díli)-Estadus Unidus Amerika liu husi ninia relatoriu ne’ebé públika iha fulan Juñu 2020 hatuun Timor-Leste ba lista observasaun grau 2, tanba konsidera governu TL la kumpre tomak padraun sira ba eliminasaun trafiku umanu.

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter