Tempotimor (Dili)-Polísia Nasionál Servisu Investigasaun Kriminál (PNSIK) notifika Forum Organizasaun Naun Governamental Timor-Leste (FONGTIL) sai suspeitu ba kazu publikasaun rezultadu visum husi vítima ne'ebé hetan agresaun fíziku hosi oknum PNTL iha Tasitolu.

Tempotimor (Dili)-Bankada Partidu Libertasaun Popular (PLP) no Uniaun Demokrátiku Timorense (UDT) husu governu atu rekruta membru foun Polísia Nasionál Timor-Leste (PNTL), hodi maximaliza servisu seguransa iha rai laran.

Tempotimor (Dili)-Bankada CNRT iha Parlamentu Nasionál (PN) lahatene informasaun kona-ba prosesu investigasaun ne’ebé Polísia Nasionál Timor-Leste (PNTL) halo ba abitante 500-resin, tanba selebra loron restaurasaun independénsia 20 maiu, ho Prezidente Partidu CNRT Xanana Gusmão iha Masin Lidun, Tasitolu.

Tempotimor (Dili)-Durante tinan 21 iha ezisténsia hahú husi 2000 to'o 2021, instituisaun Polisia Nasional Timor-Leste (PNTL) lakon ona nia membru hamutuk 219.

Tempotimor (Dili)-Polisia Nasional Timor-Leste (PNTL) liuhusi Komandu Jerál rejista kazu krime hamutuk 21 ne'ebé akontese durante situasaun Estadu Emerjénsia (EE) nia laran.

Tempotimor (Dili)-Polisia Nasionál Timor-Leste (PNTL), liuhusi komandu Munisípiu Vikeke kaptura ona suspeitu na'in 4 ne'ebé involve iha kazu tuda ambulánsia iha Postu administrativu Uatulari, munisipiu Vikeke.

Tempotimor (Dili)-Polisia Nasional Timor-Leste (PNTL), liuhusi Komandu munisipiu Dili, rejeita atividade negósiu ne'ebé hala'o iha merkadu komoro, tanba transfere ona ba Merkadu Manleuana.

Tempotimor (Dili)-Ekipa Sentru Intergradu Jestaun ba  Krize (SIJK) Pilar 3 hala’o teste swab ba membru Pólisia Nasionál Timor-Leste (PNTL) ne'ebé destakadu iha Kuartel Jerál, Kaikoli Dili, kinta (06/05).

"PNTL tenke obrigatóriu Swab tanba sira iha primeira liña ne'ebé mak loroloron enfrenta hela ho komunidade sira”, hatete Portavoz Komandu Jerál PNTL) Superintendente xefe Arnaldo de Araújo, iha Kuartel Jerál PNTL Kaikoli Dili, kinta (06/05).

Ordem Komandu bazeia ba rezulusaun governu númeru 15 artigu 8 e 10 ne'ebé mak hatete obrigatoriumente sidadaun tenke swab no dekretu governu númeru 14 medida prevensaun surtu Covid-19 inklui implentasaun Estadu Emerjénsia (EE) ba dala-XIII.

Tanba, liña frente presiza kuidadu mós saúde pesoál , institusaun inklui família, bainhira identifika pozitivu tenke kumpri kuarentena.

Husi observasaun www.tempotimor.com ekipa SIJK pilar 3 hahú swab ba membru PNTL iha oras 10: 05 otl.

Tuir informasaun, Komandu PNTL foti inisiativa hala’o swab tanba deskonfia iha asesor PNTL na’in-2ne'ebé dadaun ne'e pozitivu covid-19 no kumpri ona iha fatin kuarentena iha Dili.

"Ha’u bele hatete katak depois imi sei hatene saida mak akontese iha Komandu ne'e bainhira teste swab hotu tiha”, dehan Arnaldo. (*)

Tempotimor (Dili)- Governu liuhusi Vise Ministru Interior, António Armindo, deklara governu iha planu konstrui postu seguransa hamutuk 12 iha fronteira rai maran.

Tempotimor (Dili)-Portavoz Komandu Jerál Polísia Nasionál Timor-Leste (PNTL), Superintendente xefe Arnaldo de Araújo hatete, tuir regra Konsellu Polisiamentu Komunitáriu (KPK) labele atua fiziku hasoru komunidade sira bainhira mosu problema.

Tanba kazu konfrontu entre jovem iha Bekora, iha loron sesta (30/05) deskonfia hetan baku husi membru KPK bainhira atua situasaun no detein joven na’in-14 iha sela inklu karreta patrollamentu PNTL ida rahun.

"Ida ne'e labele, so polísia de’it mak bele halo atuasaun ba kualker komunidade ida, KPK so bele autorija de’it. Se karik nia hatene ema ne'e, hapara ema ne'e, nia (KPK) lori ema entrega ba polísia, sira labele halo atuasaun liu buat ne'ebé mak polísia nia servisu”, dehan Arnaldo iha Sentru Formasaun Polísia-Komoro Dili, tersa (04/05).

Bainhira mosu dezentendimentu ka konfrontu iha komunidade, funsaun KPK nia halo mediasaun no informa ba PNTL atu atual inklui iha posibilidade uza fiziku.

Maibé kazu konfrontu entre joven suku Mascarinhas no suku Kaikoli inklui kazu konfrontu iha Bekora rasik dadaun iha hela prosesu investigasaun Komandu Munisípiu Dili (KMD) no Komandu Jerál PNTL rasik sei informa ba públiku bainhira hatene ona kazu refere nia kauza.

“Ida-ne'e sei la’o hela e Komandu Jerál sei haree hela e kazu ne'e sei iha hela (Komandu) Munisípiu Dili mak sei hatene ida-ne'e , ita hein iha tempu badak portavóz sei hatene depois informa ba ita-boot sira,"  dehan nia. (*)