Items filtered by date: Saturday, 09 May 2020

Tempotimor (Dili)-Sekretáriu Jerál Aliansa Maioria Parlamentár (AMP) foun António da Conceição "Kalohan" deklara, to’o ohin loron partidu Kmanek Haburas Unidade Nasionál Timor-Oan (KHUNTO) seidauk sai husi AMP foun ne'ebé lidera husi Prezidente CNRT Kay Rala Xanana Gusmão.

Tuir Kalohan, koligasaun AMP foun ne’e harii atu forma governu dasia, tan ne’e bainhira KHUNTO sai sei la implika ba koligasaun foun.

"Ami mós la dehan katak KHUNTO sai, tanba ami-nia koligasaun ne'e ba governu dasia, agora dadaun sira sai ne'e tanba sira iha hela governu daualu. KHUNTO sai hodi apoiu governu daualu, ida ne'e laiha implikasaun ba ami-nia koligasaun, ne'ebé iha ona governu dasia ne'e, KHUNTO iha hela koligasaun atuál," dehan Kalohan iha PN, Sesta (08/05).

VIDEO PUBLISIDADE APELU HUSI PM TAUR APLAUS BA FRONT LINE

 

 

Atual Prezidente Bankada PD ne’e dehan, koligasaun AMP foun ne’ebé forma husi CNRT, PD, KHUNTO, PUDD, UDT no FM, ne’e ba formasaun governu dasia, la’os atu mantein governu daualu.

"Koligasaun ne'ebé halo ne'e ba governu dasia, la'ós atu mantein governu daualu, ne'e maneira ida ne'ebé ke agora daudauk KHUNTO nia pozisaun ne'e mós ami nafatin respeita, mais ami mós la dehan katak KHUNTO ne'e laiha relasaun ho PD no CNRT ba governu dasia nian," nia dehan.

Antes ne'e iha loron 29 Fulan Abril tinan ne'e, KHUNTO haruka ona karta ida ba Prezidente CNRT hodi fo obrigado no informa katak partidu refere sei nafatin apoia VIII Governu Konstitusional.

 

PUBLISIDADE

 

Iha karta ne'e KHUNTO dehan, situasaun Koligasaun AMP seidauk hetan konfirmasaun no aseitasaun husi Prezidente Republika ba ezistensia husi koligasaun refere hodi fo alternativu ba formasaun nonu governu.

Partidu KHUNTO konsidera ba deklarasaun konfiansa no apoiu tomak husi Prezidente Republika Fransisco Guterres Lu Olo ba iha Primeiru Ministru Taur Matan Ruak atu lidera nafatin oitavu governu konstitusional.

"Partidu KHUNTO hola parte iha estrutura oitavu governu konstitusional nune'e deside sei fo apoiu tomak ba oitavu governu konstitusional to'o iha tinan 2023," deklara KHUNTO.

 

PUBLISIDADE

 

Ho razaun iha leten, KHUNTO deklara hodi sai husi koligasaun AMP foun.

"Ho konsiente rasik iha momentu ida ne'e hakarak hato'o agradese Wain ba Maun boot Xanana Gusmão nu'udar lider partidu CNRT no AMP ho partidu PD, UDT/F-MUDANSA no PUDD ne'ebe durante ne'e ita servisu hamutuk, ho momentu importante ida ne'e iha situasaun difisil tebes mai Partidu KHUNTO atu foti desizaun, maibé tanba haree ba interese povu no ita-nia estadu mak Partidu KHUNTO foti desizaun sai husi Koligasaun AMP foun."

Partido KHUNTO promete sei tane nafatin Maun Boot Kay Rala Xanana Gusmão no prontu atu servisu hamutuk iha tempu oin ba interese povu no nasaun doben Timor-Leste.

 

PUBLISIDADE

Published in Politika

Tempotimor (Dili)-To’o ohin loron dadus ba uma-kain iha teritoriu nasionál ne’ebé sei hetan subsidiu husi governu seidauk loos, nune’e, Ministériu Administrasaun Estatal planeia atu halo uluk sosializasaun molok tama iha faze implementasaun.

Published in Ekonomia

Tempotimor (Dili)-Ministériu Edukasaun iha implementasaun estadu emerjensia lansa politika "Eskola ba Uma" ho objetivu atu fasilita estudante sira hodi kontinua estuda maske hela iha uma de'it.

Published in Edukasaun & Kultura

.