Tempotimor (Dili)- Portavoz Sentru Integradu Jestaun Krizi (SIJK) Dr. Sergio Lobo hatete, pasiente moras Corona Virus Deseais 2019 (Covid-19) iha fatin izolamentu Sentru Saude Vera Cruz alta hotu ona ho nune'e sei prepara fali fatin refere ba senariu pior liu iha tempu oin mai.
Tempotimor (Dili)-Funu argumentu iha Parlamentu Nasionál (PN) relasiona ho rekerimentu destituisaun ba meza PN sai manas liu tan. Prezidente PN Arão Noe kontinua firme hodi la husik kadeira ne’ebé nia okupa. Enkuantu, bankada 3 iha PN mós nafatin insiste atu ajenda ona rekerimentu destituisaun.
Tempotimor (Dili)-Bankada FRETILIN iha Parlamentu Nasionál konsidera Prezidente Parlamentu Nasionál (PN) Arão Noe la komprende lei, tan ne’e lalika hanorin fali Prezidente Repúblika kona-ba lei.
Tempo Timor (Dili)-Prezidente Partidu Congresso Nacional da Reconstrução de Timor (CNRT) Kay Rala Xanana Gusmão, fó orientasaun ba portavoz koligasaun AMP foun António da Conçeição ‘Kalohan’ atu hatama karta foun ida ba Prezidente Repúblika Francisco Guterres Lu Olo hodi husu pronunsiamentu ba destinu koligasaun foun ne’e.
Tempotimor (Dili)-Deputadu na’in 33 husi bankada FRETILIN, PLP no KHUNTO asina ona akta rekerimentu hodi husu ba Vise Prezidente Parlamentu Nasionál lidera plenaria hodi diskuti no deside destinu Prezidente PN Arão Noe.
Tempotimor (Díli)- Estadu Maiór Konjuntu iha Sala Situasaun Sentru Integradu Jestaun Krize (SS-SIJK) husu ba komunidade sira iha fronteira hanesan Bobonaro, Covalima nia RAEOA Oecusse atu tuur hakmatek iha fatin, tanba númeru Covid-19 iha nasaun viziñu Indonézia aumenta maka'as.
"Husu ba populasaun tomak, liu-liu ba sira iha munisípiu Covalima, Bobonaro no RAEOA, atu tuur hakmatek iha ida-idak nia fatin, no labele hakat ba mai iha rai ketan ho Indonézia, atu labele monu ba risku, hetan da’et moras Covid-19 no lori mai hada’et tutan iha Timor-Leste nia laran," dehan Porta-Vóz SIJK Doutór Rui Maria de Araújo iha Sala Situasaun ba jornalista sira, Kinta (14/05)
Eis-xefe Governu daneen ne'e afirma, husi seguransa nian kontinua apoiu malu hodi halo seguransa.
"F-FDTL ho PNTL sei nafatin fó apoiu ba malu no liuhusi mós kolaborasaun ho lider komunitáriu sira, sei nafatin halo vijilánsia másima iha dalan klandestinu sira hotu, iha rai ketan entre Timor-Leste ho Indonézia," dehan Rui
Haree ba situasaun númeru infesaun corona virus nian, iha Indonézia ne'ebé sa'e maka'as, inklui númeru mate aumenta, tanbá ne'e, SIJK husu atu komunidade iha munisípiu tolu ne'ebé besik fronteira, hanesan Covalima, Bobonaro no RAEOA atu labele halo movimentasaun livre ka tuur hakmatek iha uma.
Entretantu tuir dadus husi Organizasaun Mundiál Saúde (OMS) hatudu katak totál kazu ba Covid-19 iha nasaun viziñu Indonézia hamutuk 15.438, kazu foun laiha, ema ne'ebé mate ona kauzadu husi Covid-19 hamutuk 1.028, kazu mate ohin nian laiha, ema ne'ebé rekopera ona husi corona virus hamutuk 3.287, nune'e kazu ne'ebé sei pozitivu hamutuk 11.123, kazu grave laiha, totál teste hamutuk 169,195.
Tempotimor (Dili)-Bankada tolu (3) ne’ebé hato’o rekerimentu destituisaun ba meza Parlamentu Nasionál (PN) sei la hakiduk atu “doko” Prezidente PN ne’ebé Arão Noe ne’ebé sei “hakoak-metin” kadeira ne’ebé nia okupa ba.
Error: No articles to display
.