Komandante PNTL, Munisípiu Dili, Superintendente Xefe Henrique da Costa informa, Polísia halo aprensaun ba motoriza no karreta hirak ne'e tanba viola lei kódiku estrada, no balun dokumentus laiha, karta kondusaun laiha, asesoria la kompletu.
“Iha pasa revista ne'e ita prende evidénsia motorizada ho karreta iha loron 14 to'o 20 motoriza hamutuk 268, karreta 9, dokumentu hamutuk 7, nune'e husi prensaun ne'e ita konsege rekolla osan hamutuk rihun-9.875 dolar amerikanu”, dehan Komadante Henrique iha Komandu Munisípiu Dili, Kaikoli, segunda (21/02).
Husi operasaun ida ne'e sei la para no kontinua nafatin, tanba ninia tarjetu ba sasán kroat, no ba asesoria karreta ho motoriza, nomós dokumentu, inklui sasán sira seluk, hanesan droga hodi kontrola seguransa iha munisípii Dili.
“Tanba ne'e liuhusi biban ne'e mós, hakarak apela ba ita-nia motorista sira, labele haluha karik atu halo movimentu tenke revista uluk kondisaun karreta ho motorizada, inklui dokumemtu sira”, dehan nia. (*)