“Agora ne'e oho malu arbiru de'it ne'e sé mak sala, seguransa mak sala ka sé, e presiza Estadu haree didi'ak krime organizadu iha ita-nia rai laran ho arte marsiál. Rai ne'e hanesn ita matan tomak hotu ona, ne'ebé presiza halo análiza didi'ak ba situasaun ne'e”, dehan Prezidente Komisaun B trata asuntu Negosiu Estranjeiru, Defeza no Seguransa, José Agustinho Siqueira ‘Somotxo Matar Mimiraka’, iha Parlamentu Nasionál, kinta (10/1).

Komisaun B haree katak buat ida hasai ema nia vida ne'e krime no ema la normal mak halo ida ne'e tanba sira lahatene ema seluk hakarak moris.

“Ida ne'ebé ba hasai ema seluk nia vida ne'e la normal, tanba konsidera ita hanesan ema at ida, tan ida ne'e mak krime sira ne'e mosu”, hatete nia.

Kazu uluk kedas Komisaun B ko’alia dala barak ona katak problema ruma tur hamutuk ko’alia rezolve, tanba funu ne'ebé mak lori kilat ho kilat mak hasoru malu sei tur hamutuk ko’alia rezolve, tanba saida mak Timoroam sira la bele tuir hamutuk ko’alia.

“O hasai fali o nian maluk nia vida, nia mós presiza moris iha rai ida ne'e, agora buat sira ne'e mosu ne'e ita la'ós ema normal. A nao ser funu, funu ne'ebé ha’u hasoru inimigu, agora situasaun normal hela”, afirma nia. (*)