Login to your account

Username *
Password *
Remember Me

Tinan 2023, Governu Sei Rekruta Membru PNTL 720

Vise Ministru Interior (MI), António Armindo. Vise Ministru Interior (MI), António Armindo. Foto Tempo Timor

Tempotimor (Dili)-Vise Ministru Interior (MI), António Armindo informa, Governu sei rekruta membru Polísia Nasionál Timor-Leste (PNTL) hamutuk atushitu-ruanolu (720) iha tinan 2023, hodi bele fó apoiu ba unidade no komandu munisípiu sira ne’ebé membru sei menus.

“Se ita-boot sira hatene, foin lalais ha'u lori ba KROP, hakarak rekruta ne'e atushitu-ruanulu, portantu la konsege entaun 2023 ne'e tenke rekruta ona”, dehan António, iha edifisiu Ministériu Interino, Vilaverde, sesta (11/02).

Hanesan Vise Ministru lakohi atu ko’alia, maibé rekrutamentu ba membru PNTL la halo iha tinan 2022, tanba ne’e sei bele hala’o iha tinan 2023.

“Ha'u lakohi atu ko'alia, saida mak primeiru Ministru (PM) nu'udar Ministru Interior (MI) ko'alia, mais ha'u hanesan Vise Ministru Interior jatamente tinan ne'e la rekruta tinan oin tenke rekruta, tanba ita haree ba realidade ne'ebé mak iha polísia hasoru ona problema ne'ebé boot ida, sira menus ona sira-nia ema, kuantidade ema la priense ona”, esplika nia.

Tanba ne’e, hakarak ka lakohi, pelumenus iha tinan 2023 tenke rekruta ona atubele kompleta membru PNTL sira iha unidade no ba komandu Munisípiu sira ne’ebé durante ne’e sei menus hela.

“Ba ha'u pesoál tenke rekruta, di'ak liu ita rekruta iha 2022 ne'e, mais tanba ita la konsege entaun pelumenus rekruta ona iha 2023”, hatete nia.

Prosesu rekrutamentu ne'e iha ninia planu ba orsamentu ne’ebé lori ona ba Komisaun Revizaun Orsamentu Politika (KROP) iha tinan 2021, maibé la konsege, parese proposta mai husi komandu no husi Ministériu Interior nia montante sei hanesan.

“Tanba ema menus ona, ne'ebé kuantidade ne'ebé ita aprezenta iha KROP, 2023 ida ne'e mak sei propoin, maske nune'e koalia parte ha'u nia de'it maibé ha'u sei konsulta lai ho Primeiru Ministru nu'udar Ministru Interior, nia konkorda ka la konkorda, tanba naturalmente la'ós ha'u-nia desizaun ne'e Ministru nia desizaun”, afirma nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter