Xefe Departementu Justisa PNTL, Superintendente Xefe Agustino Gomes hatete, workshop ne'e, hanesan treinamentu pre-operasaun ne'ebé komandu operasaun mak sei fasilita hodi asegura elisaun prezidensiál ba tinan 2022-2027.
“Tanba prosesu departamentu justisa mak iha responsabilidade garante no dixiplina orden polísia iha instituisaun nia laran”, dehan Superintendente Xefe Agustino Gomes iha Sentru Formasaun PNTL, Komoro, kinta (10/02).
Tanba ne'e, komandu fornese workhsop ba membru sira atu nune'e sira fila ba unidade ida idak bele kontrola membru sira halo disiplina, tuir lei no orden ne'ebe mak iha.
“Materia ne'ebé atu fó ne'e fokus ba regulamentu dixiplina PNTL norma organizasaun prosedura departamentu Justisa, no norma organisaun prosedimentu kona-ba dixiplina administrativa nomós lei orgánika PNTL iha artigu balun ne'ebé mak korespondésia ho servisu departamentu justisa”, esplika nia.
Enkuantu membru sira komete regulamentu disiplina komandu sei prosesa iha departamentu justisa tuir
regulamentu dixiplina PNTL.
Ba workshop ne'ebé hala’o durante loron rua, hetan partisipante husi Xefe Seksaun Justisa Unidade PNTL hotu, iha Komandu distritu polísia hamutuk13, no unidade operasaun rua no sentru formasaun polísia sira. (*)
