Login to your account

Username *
Password *
Remember Me

PNTL Kaptura Ona Autór Na’in-5, Deskonfia Oho António

Komandante Jerál PNTL, Komisáriu Faustino da Costa. Komandante Jerál PNTL, Komisáriu Faustino da Costa. Foto Suplay

Tempotimor (Dili)-Komandu Polísia Nasionál Timor-Leste (PNTL) liuhusi Servisu Invetigasaun Kriminál Nasionál (SIKN) kaptura ona autór na’in-lima (5) ne’ebé deskonfia envolve iha kazu omesidu, oho Vitima António de Jesus iha área Delta I, Suku Komoro, Postu Administrativu Don Aleixo, Munisípiu Dili, loron 7 fevereiru 2022, tuku 02:00 madrugada.

Komandante Jerál PNTL, Komisáriu Faustino da Costa hatete, ekipa Investigasuan kaptura ona autór balun hodi indentifika, tanba deskonfia sira envolve iha kazu omesidu oho vítima António de Jesus iha área Delta I.

“Ekipa konjunta kaptura ona autór na’in-5, hodi indentifika, tanba ita deskonfia sira envolve iha kazu omesidu oho vítima António de Jesus iha área Delta I suku Komoro foin lalais ne’e”, dehan Faustino ba jornalista sira, hafoin partisipa atividade kolokiu ho parseiru dezemvolvimentu sira iha City 8, Manleuana, kuarta (09/02).

Tanba ne’e ekipa konjunta PNTL kompostu husi Servisu Investigasuan Kriminál Nasionál (SIKN), Servisu Informasaun Polísia (SIP), J2 ho Polísia Militar kontinua halibur dadus hodi fasilita prosesu iha área investigasaun.

Alende ne’e Komisáriu Faustino dehan, liga ba situasaun jerál la’o di’ak, maibé iha imajen balun ne’ebé akontese iha pasadu ema balun aproveita sitasaun atual ne’ebé akontese hodi lansa fali iha mídia sosiál (Fecebook) halo sidadaun sira tauk no pániku liután atu halo movimentu iha tempu kalan.

“Ha’u husu ba sidadaun sira hotu kontribui ba informasuan, evita lansa dadus sira ne’ebé akontese iha passadu iha mídia sosiál Fecebook sira atu labele hatauk ita-nia sidadaun sira atu movimentu iha temu kalan”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter