Login to your account

Username *
Password *
Remember Me

PNTL ‘Alerta’ Motorista Kumpri Regra Estasionamentu iha HNGV

Motorizada ne’ebé vijitanate sira ba HNGV para hela iha Estrada ibun. Motorizada ne’ebé vijitanate sira ba HNGV para hela iha Estrada ibun. Foto Tempo Timor

Tempotimor (Dili)-Komandante Tránzitu Munisípiu Dili, Inspetór Domingos Sarmento Gama komesa alerta ona motorista sira ne'ebé atu asesu ba Ospital Nasionál Guidu Valadares(HNGV) obrigatoriamente tuir regra estasionamentu ne'ebé HNGV estabelese ona.

"Bainhira uza transporte privadu tantu karreta ou motorizada mak ba vizita ema moras ou família iha HNGV obrigatoriamente tenke tuir regra estasionamentu ne'ebé HNGV rasik iha, siknifika para iha Ospital durante oras haat nia laran de'it, labele liu oras haat ne'e”, deklara Inspetór Domingos Sarmento, iha Kaikoli, sesta (14/01).

Tanba ne’e liu oras haat ba leten, sei selu taxa ba HNGV tanba ne'e hakarak ka lakohi tenke kumpri, atu nune'e fó mós espasu ba vizitante sira seluk.

Dalabarak ema sira besik iha HNGV ne'e ninia transporte privadu sira para iha ne'ebá durante 24 oras nia laran

"Se sira la kumpri nafatin regra ne'ebé HNGV iha, mak PNTL liuliu Seksaun Tránzitu sei aplika Lei Kódigu Estrada ba sira, se sidadaun sira la koopera ho seguransa sira ne'ebé iha HNGV, ita mós aplika lei kódigu penál artigu rua hanesan artigu 243 no 244 ba sira”, deklara nia. 

Entretantu Polísia Tránzitu Munisípiu Dili iha tinan 2022, hahú husi loron 1 to’o 12 fulan-janeiru, rejista kazu asidente hamutuk 20, entre kazu hirak ne'e laiha kazu fatal.

Nune'e mós iha semana rua nia laran, PNTL konsege hatama reseita hamutuk rihun US$2 ba Kofre Estadu. (*)

Rate this item
(0 votes)
Last modified on Saturday, 15 January 2022 17:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter