Login to your account

Username *
Password *
Remember Me

PNTL Tenke Muda Estratéjia Kontrola Autór Utiliza Kilat Anin 

Kilat Anin ne’ebé autoridade seguransa sira prende husi komunidade sira: Kilat Anin ne’ebé autoridade seguransa sira prende husi komunidade sira: Foto Espesial

Tempotimor (Dili)-Diretór Interinu Fundasaun Mahein (FM), Sancho Xavier, husu ba Polísia Nasionál Timor-Leste (PNTL) tenke muda estratéjia hodi hadi'a sistema komunikasaun ho komunidade atubele kontrola autór ne'ebé uza kilat anin.

"Liuliu autór sira ne'ebé mak envolve iha kazu uza kilat manu, tanba ne'e krime, no kilat ne'e bainhira hakanek ona ema ne'e labele husik livre, iha kazu barak mak akontese hanesan ne'e husik livre de’it, tanba polísia nian servisu atu buka tuir ne'e susar tebes. Ita la hatene difikuldade saida mak hanesan ne'e. Tanba ne'e ha’u hanoin polísia tenke hadi’a sistema komunikasaun ho komunidade ne'e oinsá atubele buka tuir autór kriminozu sira ne'e ho fasil”, dehan Sancho, iha nia kna’ar fatin, Bairu Sentrál, sesta (14/01).

PNTL labele husik situasaun sira ne'e liu beibeik, nune'e labele fó oportunidade ba sira atu halo tan problema tanba polísia nia papel ida mak halo prevensaun.

"Ha’u hanoin ida ne'e importante atu halo, ita labele husik de’it ida ne'e, se la’e ema sira ne'ebé bainbain halo krime ne'e, hanoin katak laiha kapturasaun ba sira entaun sira sei kontinua nafatin”, afirma nia.

Nune'e husu ba komandu PNTL fó orientasaun ba eskuadra sira no munisípiu, nune'e fasil atu detein kriminozu sira liga ho uza kilat manu

Funsionamentu polísia komunitária iha komunidade ladun di’ak hodi kombate krime no halo identifikasaun ba kriminozu sira.

"Sistema sira ne'e la la’o ne'e mak kazu sira hanesan uza kilat manu hakanek ema ne'e kuntinua akontese no suspeitu sira kuntinua livre tanba polísia laiha vontade hodi buka tuir autór sira", deklara nia. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter